Halyqaralyq Olımpıada komıtetiniń (HOK) Atqarýshy keńesi Los-Andjeles-2028 baǵdarlamasy boıynsha uıymdastyrý komıteti usynǵan qosymsha bes sport túrin maquldady. Bul týraly almaty-akshamy.kz Inside The Games saıtyna silteme jasap habarlaıdy.
Skvosh, lakross, beısbol jáne softbol Amerıka Qurama Shtattarynda tanymal bolǵandyqtan baǵdarlamaǵa qaıtaryldy. Sonymen birge olar Ońtústik jarty sharda tanymal krıket pen ekzotıkalyq jalaýly fýtboldy (amerıkalyq fýtboldyń nusqalarynyń biri) qosty. Zamanaýı bessaıys kedergilerden ótý jáne aýyr atletıka da baǵdarlamaǵa qaıta oraldy.
Biraq bokstyń mártebesi áli belgisiz. Halyqaralyq boks qaýymdastyǵy (IBA) Olımpıadalyq qozǵalystan shyǵaryldy jáne básekeles uıym bolyp tabylatyn Dúnıejúzilik boks ázirge kútken qoldaýdy ala almady.
Halyqaralyq olımpıada komıtetiniń sport dırektory Kıt MakKonnell, bes jańa sport túrin qosý jáne zamanaýı bessaıys pen aýyr atletıkany qalpyna keltirý Oıyndardyń 10 500 sportshy sheginen asýyn talap etetinin moıyndady.
Bah bul baǵdarlama 1996 jyly Atlantadan beri alǵash ret Amerıka Qurama Shtattaryna jazǵy Olımpıada oıyndaryn qaıtarýǵa óte qolaıly bolatynyn aıtty.
"Osy bes jańa sport túri amerıkalyq sport mádenıetine sáıkes keledi jáne álemge áıgili amerıkalyq sport túrlerin kórsetedi. Sonymen birge halyqaralyq sport túrlerin Amerıka Qurama Shtattaryna ákeledi", - dedi ol.