Ol sybaılas jemqorlyqqa qarsy zańnamany damytý, jetildirý jáne onyń aldyn alý, quqyqtyq olqylyqtardyń ornyn toltyrý boıynsha túzetýler jasalǵanyn aıtty.
Qabyldanatyn zańdaǵy negizgi novelalardyń biri - negizsiz baıý máselesi. Bul - sybaılas jemqorlyqqa tótep berýdiń negizgi bóligi. 2020 jyly memlekettik qyzmetshiler men olardyń jubaılary (zaıyptary) ózderiniń aktıvteri jáne mindettemeleri týraly jalpylama deklarasıa tapsyrǵan bolatyn. Zań jeke tulǵalardyń salyq salýǵa baılanysty deklarasıalarynda kórsetilgen shyǵystarymen qarastyryp jatyr. Eger alshaqtyq bolsa, onda olar 10 paıyz kóleminde, ıaǵnı asyp ketken somadan jeke bas tabys salyǵyn tóleıdi. Eger sheneýnikterdiń negizsiz baıýyn kórsek, deklarasıalarynda asyp ketken jalpylama somadan asyp ketken qarjynyń 10 paıyzyn tóleýge tıis. 10 paıyzdyq salyqty óndirip alýmen birge, memqyzmetshilerdiń jáne olarǵa teńestirilgen tulǵalardyń jaýapkershiligi sanksıalardy engizý arqyly kúsheıtilip otyr. Sondaı-aq sheneýniktiń kirisi men shyǵysy sáıkes kelmegen jaǵdaıda onyń shyǵysynyń zańdylyǵyn qarastyrý 2027 jylǵa deıingi merzimge deıin aıqyndalǵan bolatyn. Osy kezeńnen bastap turǵyndardyń múlki jáne aktıvteri jóninde qaraımyz. Óıtkeni 2027 jyldan bastap kámeletke tolǵan azamattyń barlyǵy deklarasıa tapsyrady, - deıdi Jiger Baıdildın forýmda.
Sózinshe, 2026 jyldan bastap olar kirisi jáne múlki jóninde deklarasıa tapsyrady. Sonymen birge aktıvter men mindettemeler boıynshy birinshi esepti jyl tekserýge jatpaıdy. Tek 2027 jyldan bastap shyǵys-kiris bólikteri salystyryla bastaıdy.
Sybaılas jemqorlyqqa qarsy komplaens qyzmetimen birge deklarasıany tapsyrý kvazısektor sýbektileriniń deklarasıany tapsyrýyn qadaǵalaıdy, - dep tolyqtyrdy Sybaılas jemqorlyqqa qarsy is-qımyl agenttiginiń Prevensıa qyzmeti basshysynyń orynbasary.