Qazaqstanda 2026 jyly aılyq eseptik kórsetkish (AEK) mólsheri ulǵaımaq. Bul aıyppuldardyń kólemine de tikeleı áser etedi, dep habarlaıdy Aqshamnews.kz.
Qarjy mınıstrligi 2026–2028 jyldarǵa arnalǵan respýblıkalyq búdjet jobasyn jarıalady. Qujat Úkimettiń maquldaýynan ótip, Parlament qaraýyna joldandy. Onda eń tómengi jalaqy, zeınetaqy, kúnkóris mınımýmy jáne aılyq eseptik kórsetkish syndy negizgi áleýmettik kórsetkishter qarastyrylǵan. Ádette mundaı jobalar qabyldanǵanda kórsetkishter ózgerissiz qalady.
2026 jyly AEK kólemi 4 325 teńgeni quraıdy. Qazirgi ýaqytta bul kórsetkish 3 932 teńgege teń.
AEK-tegi ósimge baılanysty aıyppuldar mólsheri mynadaı bolady:
- Jyldamdyqty asyrǵany úshin – 5 AEK nemese 21 625 teńge;
- Jol belgileri men syzyqtaryn saqtamaý – 3 AEK nemese 12 975 teńge;
- Toqtaý nemese turaq erejesin buzý – 5 AEK nemese 21 625 teńge;
- Jaıaý júrginshilerdiń jol erejesin buzýy – 2 AEK nemese 8 650 teńge;
- Kólik quraldaryn paıdalaný erejesin buzý – 5 AEK nemese 21 625 teńge;
- Qaýipsizdik belbeýsiz nemese motoshlemsiz jolaýshy tasymaldaý – 5 AEK nemese 21 625 teńge;
- Qyzyl shamǵa ótý – 10 AEK nemese 43 250 teńge;
- Qoǵamdyq orynda alkogól ishý nemese mas kúıde júrý – 5 AEK nemese 21 625 teńge;
- Qoǵamdyq oryndy lastaý – 10 AEK nemese 43 250 teńge;
- Mindetti saqtandyrý zańyn buzý (zańdy tulǵa úshin) – 300 AEK nemese 1 297 500 teńge.
Osylaısha, 2026 jyly aıyppuldardyń kólemi edáýir ósedi dep kútilýde.