«Azamattarǵa arnalǵan úkimet» memlekettik korporasıasy habarlaǵandaı, 2025 jyldan bastap aılyq eseptik kórsetkish (AEK) 3 932 teńgege ósýine baılanysty memlekettik qujattardy daıyndaý quny da artty, dep habarlaıdy aqshamnews.kz
Tólqujat jasatý quny:
– 24 paraq (16 jasqa deıingi balalar úshin) – 4 AEK nemese 15 728 teńge.
– 36 paraq – 8 AEK nemese 31 456 teńge.
– 48 paraq (eresekter úshin) – 12 AEK nemese 47 184 teńge.
Tólqujat ótinim berilgen kúnnen bastap 15 jumys kúni ishinde daıyn bolady. Qosymsha aqy tólep, ony jedeldetip alý múmkindigi qarastyrylǵan.
Jeke kýálik jasatý quny:
– Jeke kýálik – 0,2 AEK nemese 786,4 teńge.
– Joǵaltyp, bir jyl ishinde eki retten artyq jasatsa – 1 AEK nemese 3 932 teńge.
Jedeldetilgen qujat daıyndaý quny:
– Astana, Almaty, Shymkent jáne Aqtóbe qalalary:
1 jumys kúni – 3 372 teńge, 3 jumys kúni – 1 771 teńge.
– Oblys ortalyqtary:
3 jumys kúni – 3 372 teńge, 5 jumys kúni – 1 771 teńge.
– Aýdandar men oblys qalalary:
7 jumys kúni – 605,31 teńge.
Eske salaıyq, bıyl 1 AEK 3 932 teńge bolyp bekitildi. Bul ótken jylǵy 3 692 teńgege qaraǵanda joǵary.