2025 jyldyń qańtar aıynyń alǵashqy kúnderinde Pavlodar oblysynyń polıseıleri mas kúıinde kólik basqarǵan tórt júrgizýshini ustady. Barlyq quqyq buzýshylarǵa qatysty materıaldar sotqa jiberildi, dep habarlaıdy aqshamnews.kz
5 qańtar kúni Pavlodar qalasynyń Tolstoı kóshesinde Hyundai Accent avtokóliginiń erekshe manevrleri polıseılerdiń nazaryn aýdardy. Tekserý barysynda kólik júrgizýshisinen alkogóldiń ótkir ıisi sezildi. Ol dostarymen qonaqta ishimdik ishkenin moıyndap, jaǵdaıyn jasyrmady.
Sol kúni Estaı kóshesindegi 142 úıdiń janynda Nissan Gloria avtokóligi toqtatyldy. Onyń júrgizýshisi de mas kúıinde bolǵany anyqtaldy. Medısınalyq kýálandyrý júrgizýshilerdiń spırttik ishimdik paıdalanǵanyn rastady.
Barlyq ustalǵan kólikter arnaıy turaqqa qoıylyp, júrgizýshilerge qatysty materıaldar sotqa jiberildi. Polıseılerdiń aıtýynsha, mas kúıinde kólik basqarý – jol qozǵalysyna qatysýshylar úshin úlken qaýip tóndiredi.
İshki ister organdarynyń basty maqsaty – azamattardyń qaýipsizdigin qamtamasyz etý jáne qoǵamdyq tártipti saqtaý.
– Mas kúıinde kólik basqarý – tek zań buzýshylyq emes, sonymen birge basqa adamdardyń ómiri men densaýlyǵyna tóngen qaýip. Árbir quqyq buzýshy óz áreketteri úshin jaýapkershilikke tartylady. Bul oqıǵa barlyq jol qozǵalysyna qatysýshylarǵa tártiptilik pen jaýapkershiliktiń mańyzdylyǵyn eske salady, – dep atap ótti quqyq qorǵaý organdary.
Polıseıler azamattardy zań men tártipti saqtaýǵa jáne kólik basqarý kezinde ishimdik ishýden aýlaq bolýǵa shaqyrady. Joldaǵy qaýipsizdik barshaǵa ortaq jaýapkershilik.