2025 jyldyń 1-10 sáýiri aralyǵynda Almaty qalasynda shahmattan aımaqtyq Azıa chempıonaty (erler men áıelder), ótedi, dep habarlaıdy aqshamnews.kz
Chempıonat Qazaqstan shahmat federasıasy jáne Azıa shahmat federasıasy men Halyqaralyq shahmat federasıasy uıymdastyryp otyr.
Chempıonatqa 3.4 aımaǵy quramyna kiretin, FIDE-ge affılırlengen barlyq ulttyq shahmat federasıalary qatysa alady. Ár federasıa eki shaqyrylǵan qatysýshyny (bir er adam jáne bir áıel) tirkeı alady, sondaı-aq erler úshin reıtıń 2000, áıelder úshin 1600 baldan tómen emes qosymsha qatysýshylardy tirkeýge bolady.
Týrnır shveısarıalyq júıe boıynsha ótedi, biraq qatysýshylar sany 10-nan aspasa, basqa júıe qoldanylýy múmkin. Ýaqyt baqylaýy: alǵashqy 40 júriske 90 mınýt, keıingi oıyn bólimine 30 mınýt jáne ár júris saıyn 30 sekýndtyq qosymsha ýaqyt beriledi.
Qatysýshylardy tirkeý 2025 jyldyń 1 naýryzynda bastalady.