Almatydaǵy OKQ-de ótken kóshpeli brıfıńte qala ákimi Erbolat Dosaev atmosferalyq aýanyń jaı-kúıin jaqsartýǵa baǵyttalǵan atqarylyp jatqan jumystar týraly aıtyp berdi, dep habarlaıdy aqshamnews.kz
«Bul másele ákimdiktiń kún tártibindegi mańyzdy máselelerdiń biri bolyp qala beredi. Búgingi tańda lastaýshy zattar shyǵaryndylarynyń 60% - y avtokólikterge tıesili. Bizdiń jumysymyz qala turǵyndaryn qoǵamdyq kólikke kóshýge yntalandyrýǵa, onyń tıimdiligin qamtamasyz etýge baǵyttalǵan. Osy sharalardyń nátıjesinde 2024 jyly qoǵamdyq kólikterdegi saparlar rekordtyq deńgeıge jetti - ósim 33% - dy qurady, bir kúnde 1,6 mln saparǵa deıin jasaldy. 2024 jyly ekologıalandyrý maqsatynda 770 gaz avtobýsy satyp alyndy, onyń ishinde 170 – jeke avtoparkter jáne 115 elektrobýs, onyń ishinde 15 – jeke menshik avtobýstar. Osynyń arqasynda avtobýstardyń ortasha qyzmet etý merzimi 6 jyldan 2,5 jylǵa deıin qysqardy. 112 troleıbýs satyp alý troleıbýs parkin 100% jańartýǵa múmkindik berdi», - dedi megapolıs basshysy.
Ol 2024 jyly qoǵamdyq kólikterdegi jolaýshylar aǵyny 33% - ǵa artyp, kúnine 1,6 mln tranzaksıaǵa jetkenin atap ótti. Sondaı-aq, kelesi jyly 800 gazben júretin avtobýs satyp alynady, onyń 200-i jeke menshik jáne 260-y elektr avtobýsy, onyń 60-y jeke tasymaldaýshylar, bul ortasha paıdalaný merzimin 2 jylǵa deıin tómendetýge múmkindik beredi.
«Almaty Almaty aglomerasıasynyń ortalyǵy retinde tyǵyz kólik baılanysyn qamtamasyz etýge asa múddeli. Aǵymdaǵy jyly biz 20 jańa qala mańyndaǵy marshrýttardy uıymdastyrdyq. 2025 jyly qoǵamdyq kólik úshin jańa tarıftik mázir men «Bus/km» qaǵıdatyna kóshýmen sýbsıdıalaýdyń jańa qaǵıdalaryn engizý josparlanýda», - dedi Erbolat Dosaev.