Bul týraly Úkimet otyrysynda Aýyl sharýashylyǵy mınıstri Aıdarbek Saparov málimdedi.
Oblys ákimdikteriniń jedel derekterine sáıkes, 2025 jylǵy ónim úshin aýyl sharýashylyǵy taýar óndirýshilerine 2,3 mln tonna tuqym qajet, búginde bul kólem tolyq qamtamasyz etildi. Aldyn ala júrgizilgen saraptama nátıjesinde 1,6 mln tonna tuqymnyń sapasy tekserildi. Tuqymdy jappaı tekserý naýryz aıynyń sońyna deıin aıaqtalady, dep habarlaıdy aqshamnews.kz.
«Ótken jyly alǵash ret otandyq tyńaıtqysh óndirýshilerine avanstyq sýbsıdıalaý tetigi engizildi. Bul mehanızm tyńaıtqyshtardy sharýalar úshin qoljetimdi etti: nátıjesinde olardy engizý deńgeıi alǵash ret ǵylymı negizdelgen qajettiliktiń 40%-dan asyp, aldyńǵy jyldary 21%-dan aspaǵan kórsetkishten edáýir joǵary boldy», – dedi Aıdarbek Saparov.
2025 jyly tyńaıtqysh engizý jospary 1,9 mln tonnany nemese ǵylymı negizdelgen qajettiliktiń 59%-yn quraıdy. Qazirgi ýaqytta tyńaıtqysh óndirýshiler men jetkizýshiler kelisimshart jasasý jáne qoımalarda qor qalyptastyrý jumystaryn júrgizýde.