FIDE (Halyqaralyq shahmat federasıasy) 2025 jylǵy shahmattan áıelder arasyndaǵy álem chempıondyǵynyń machynyń ótetin orny men ýaqytyn jarıalady. Mach 2025 jyldyń 1-23 sáýir aralyǵynda Qytaıdyń Shanhaı jáne Chýnsın qalalarynda ótedi, dep habarlaıdy aqshamnews.kz
Álem chempıondyǵynyń tıtýlyn sarapqa salatyn shahmatshy qyzdar – qazirgi chempıon Szúı Venszún men burynǵy chempıon Tan Chjýnı. Eske salsaq, Tan Chjýnı 2017-2018 jyldary shahmattan álem chempıondyǵyn ıelengen bolatyn, al 2018 jyly Szúı Venszún osy tıtýldy tartyp alyp, óz eliniń shahmat korolevasy atanǵan edi.
Týrnırdiń erejesine sáıkes, eki shahmatshy 12 partıa oınaıdy, ár partıa standartty ýaqyt baqylaýymen ótedi. Álem chempıony atanýǵa 6,5 upaı jınaǵan shahmatshy jeńiske jetedi. Eger oıyn teń aıaqtalsa, taı-breık kezeńi ótkiziledi, aldymen rapıd, sodan keıin blıs baqylaýymen.
Bul mach shahmat súıer qaýymǵa qyzyqty ári tartysty bolary sózsiz. 2025 jyly ótetin álem chempıondyǵynyń machynyń jeńimpazy kim bolatynyn bárimiz qyzyǵa kútýdemiz!