234-ke jetkizý josparlanyp otyr.
Aldaǵy úsh jylda otbasyn qoldaý ortalyqtarynyń sanyn 234-ke jetkizý josparlanyp otyr. Bul týraly Áıelder isteri jáne otbasylyq-demografıalyq saıasat jónindegi ulttyq komısıanyń bıylǵy jumystarynyń qorytyndysy málim etilgen brıfıńide aıtyldy, dep habarlaıdy Almaty-akshamy.kz QazAqparatqa silteme jasap.
Alǵash bolyp baıandama jasaǵan Senat depýtaty Lázzat Súleımen bıyl júrgizilgen sharalarǵa toqtaldy. Onyń aıtýynsha, komısıa músheleri elimizdiń 18 óńirinde bolyp, turǵyndardyń usynys-pikirlerin tyńdaǵan. Lázzat Súleımen osylardyń qortynydysy negizinde naqty jumystar qolǵa alynǵanyn atap ótti. Sonymen qosa, ol aldaǵy úsh jylda otbasylardy qoldaý ortalyqtarynyń sanyn 234-ke jetkizý josparlanǵanyn aıtty.
«Qazir otbasylardy qoldaý ortalyqtaryn qurý iske asyp jatyr. Elimizde otbasylardy qoldaıtyn 34 ortalyq jumys isteıdi. Biraq, ol azdyq etedi. 2025 jylǵa deıin 234 otbasyn qoldaý ortalyǵyn, ıaǵnı jyl saıyn orta eseppen 40-50 ortalyq ashpaqpyz. Ol úlken qarajatty qajet etedi», - dedi Lázzat Súleımen Ortalyq komýnıkasıalar qyzmetinde ótken brıfıńide.
Onyń aıtýynsha, taıaýda depýtattar otbasy ınstıtýtyn nyǵaıtýǵa baǵyttalǵan zań jobasyn usynǵan. Ol aldaǵy ýaqytta qaralyp, qabyldanýy múmkin.