Almaty ákimi Erbolat Dosaev Medeý aýdanynyń turǵyndarymen eseptik kezdesýde elektr jelilerin jańǵyrtý týraly aıtty, dep habarlaıdy aqshamnews.kz
Jyl basynan beri aýdanda syrtqy jaryqtandyrýdy jańǵyrtý sheńberinde 1 650 sham ornatylyp, 23,3 km kabel jelileri aýystyryldy, taǵy 288 sham ornatý men 35,7 km kabel jelilerin aýystyrý jumysy júrgiziledi. Jyl sońyna deıin aıaqtalady.
Syrtqy jaryqtandyrýdy jańǵyrtý sheńberinde 90 baý-baqsha seriktestikterinde syrtqy jaryqtandyrý jelilerin salýǵa qosymsha JSQ ázirlenýde. Jumysty kelesi jyldyń basynda bastaý josparlanýda.
"Bul Medeý aýdanyn 2025 jyldyń sońyna deıin sapaly kóshe jaryǵymen 100% qamtamasyz etýge múmkindik beredi", - dedi qala basshysy.
Sonymen qatar, pılottyq joba aıasynda Medeý aýdanynda eskertkishterdi sáýlettik jaryqtandyrý jumysy bastaldy. Qazir jańa tehnologıa boıynsha eki eskertkish — Abaı men Sh. Ýálıhanov eskertkishine jaryq ornatyldy. Jyl sońyna deıin taǵy 18 eskertkishti jaryqtandyrý aıaqtalady.
Almatyda barlyǵy 4,8 myń km syrtqy jaryqtandyrý jelileri bar. 2024 jyly sapaly jaryqtandyrýdy qamtamasyz etýge aýdan ákimdigimen 9,9 mlrd teńge qarastyrylǵan. Qabyldanyp jatqan sharalardyń arqasynda megapolıste sapaly syrtqy jaryqtandyrýmen qamtamasyz etý 2024 jyly 85%-ǵa, al 2025 jyly 100%ǵa deıin jetkiziledi.