Sý resýrstary jáne ırrıgasıa mınıstrligi 134 gıdrotehnıkalyq qurylysty kópfaktorly tekserýden ótkizip jatyr. Jalpy alǵanda 2028 jyldyń sońyna deıin 557 nysanda tekseris júrgiziledi.
Kópfaktorly tekseris nysannyń jáne ondaǵy jabdyqtardyń tehnıkalyq jaǵdaıyn, sondaı-aq qajet bolatyn jóndeý jumystarynyń kólemi men túrlerin anyqtaýǵa múmkindik beredi.
Byltyr mınıstrlik elimizdiń 14 oblysyndaǵy 84 nysanda kópfaktorly tekserý jumystaryn júrgizgen bolatyn. Bul bastapqyda josparlanǵannan kóp.
«Jańa Sý kodeksine sáıkes, gıdrotehnıkalyq nysandardyń ıeleri ár bes jyl saıyn ózderine tıesili qurylystarǵa kópfaktorly tekserý júrgizýge mindetti. Tekseris nátıjesinde qaýipsizdik deklarasıasy jasalyp, ol baseındik sý ınspeksıasynda tirkelýi qajet», – dedi Sý resýrstary jáne ırrıgasıa vıse-mınıstri Erbolat Ibraıhanov.