Qazgıdromet mamandarynyń boljamyna sáıkes, 2025 jyldyń jazynda Qazaqstannyń ońtústik-batys, ońtústik jáne ortalyq aımaqtarynda qurǵaqshylyqtyń bolýy yqtımal, dep habarlaıdy aqshamnews.kz
Qurǵaqshylyqqa qatysty boljamdar 7 kúnnen 30 kúnge deıingi merzimge jasalady. Boljamdar ár aıdyń basynda, ıaǵnı:
-
Mamyr aıyna arnalǵan alǵashqy boljam 23 sáýirde;
-
Maýsymǵa arnalǵan boljam 23 mamyrda;
-
Shildege arnalǵan boljam 23 maýsymda jarıalanady.
Sonymen qatar, boljamdar naqtylaý úshin 5 mamyr, 5 maýsym jáne 5 shilde kúnderi qaıta qaralady. Qurǵaqshylyqqa baılanysty daýyldy eskertý habarlamalary da shyǵarylady.
Sınoptıkterdiń aıtýynsha, 2025 jyldyń jazynda elimizdiń kóp bóliginde ortasha aýa temperatýrasy klımattyq norma shamasynda bolady. Alaıda keıbir kúnderde aptap ystyq bolýy yqtımal.
Ońtústik jáne ońtústik-batys aımaqtarda temperatýra +28°C pen +35°C aralyǵynda, al keı jerlerde +37°C pen +42°C-qa deıin kóterilýi múmkin.
Ásirese shilde aıynda elimizdiń ońtústik jáne ońtústik-batys óńirlerinde ystyq aýa raıy kútilýde. Bul ýaqytta uzaq ýaqytqa sozylatyn qurǵaqshylyqtyń bolýy da múmkin.
Eger sizdiń aımaǵyńyzda uzaq ýaqyt boıy jańbyr jaýmasa nemese aptap ystyqqa ushyrasa, bul qurǵaqshylyqtyń belgileri bolýy múmkin. Qazgıdromet mamandarynyń boljamyna sensek, 2025 jyldyń jazynda osy óńirlerde aýa raıy qatty ystyq ári qurǵaq bolady dep kútilýde.