2025 jyldan bastap qazaqstandyqtar saıası memlekettik qyzmetkerler tapsyrǵan deklarasıany kórýge múmkindikteri bolatynyn qarjy vıse-mınıstri Erjan Birjanov málimdedi, dep habarlaıdy aqshamnews.kz.
«Zańnyń 11-babyna sáıkes, jekelegen saıası memlekettik qyzmetshiler úshin deklarasıanyń ashyqtyǵy kózdelgen. Iaǵnı olar kelesi jyldan bastap deklarasıasyn ashyq jarıalaıdy», - dedi Birjanov májilis kýlýarynda.
2025 jyldan bastap deklarasıasyn ashyq kórsetetin saıası memlekettik qyzmetkerlerge mynalar kiredi:
- saıası memlekettik laýazymdy atqaratyn adamdar men olardyń jubaılary;
- "A" korpýsyndaǵy memlekettik ákimshilik laýazymdy atqaratyn adamdar men olardyń jubaılary;
- Parlament depýtattary men olardyń jubaılary;
- Qazaqstan Respýblıkasyndaǵy Adam quqyqtary jónindegi ýákil;
- Qazaqstan Respýblıkasynyń sýdıalary men olardyń jubaılary;
- kvazımemlekettik sektorda basqarýshylyq fýnksıalardy oryndaıtyn adamdar men olardyń jubaılary.