Degenmen, ol asteroıd Aıǵa soǵylýy da yqtımal, dep habarlaıdy aqshamnews.kz
Kólemi Pızan munarasymen birdeı alyp tas bizdiń planetamyzǵa 2032 jyldyń 22 jeltoqsanynda soǵylady degen boljam bar. Boljamnyń yqtımaldyǵy – 2,3%. Arızona ýnıversıtetinde zertteýshi Devıd Renkın jasaǵan orbıtalyq esepter 2024 YR4-tiń Aımen soqtyǵysý yqtımaldyǵy 0,3% shamasynda deıdi. Eger Aıǵa soǵylsa, onda dıametri 500-2000 metrlik krater paıda bolady. Esesine Jer zardap shekpeıdi.
Londondaǵy Imperlik kolejdiń planetologıa profesory Garet Kollınzdiń aıtýynsha, Aıǵa soǵylǵan asteroıdtyń keıbir bólshegi Jerge jetýi múmkin.
Jerden aıyrmashylyǵy, Aıdyń ózin qorǵaıtyn atmosferasy joq. Eger 2024 YR4 – saǵatyna 50 myń kılometr joıqyn jyldamdyqpen Aıǵa soǵylsa, Hırosımaǵa tastalǵan atom bombasynan 343 ese qýatty jarylys bolady deıdi astronomdar.