Oıyndy 26 shilde men 11 tamyz aralyǵynda ótkizý josparlanyp jatyr
2024 jyly Parıjde ótetin jazǵy Olımpıada jáne Paralımpıada uıymdastyrýshylary oıyn uranyn jarıalady, dep habarlaıdy Almaty-akshamy.kz Tengrinews.kz-ke silteme jasap.
Olımpıada oıyndarynyń resmı saıtynda baıqaýdyń urany "Games Wide Open" (Keńinen ashyq oıyndar, Ouvrons grand les jeux) frazasy bolatyny jazylǵan.
Parıjdegi 2024 jylǵy Olımpıada uıymdastyrý komıtetiniń tóraǵasy Tonı Estange bul urandy uıymdastyrý komıteti túrli is-sharalar men bastamalar arqyly Oıyndy jańa ári qyzyqty etýge umtylatynyn aıtty.
«Bul búkil álemge jańa emosıalardy bólisýge shaqyrtý. Bizdiń oıyndar - jańa áser men sezim. Jańa tártip, Parıj ortalyǵyndaǵy ashyq jarystar, Senadaǵy erekshe ashylý saltanaty, kez kelgen adamǵa sportshy retinde olımpıadaǵa qatysý úshin marafon», - delingen habarlamada.
Fransıa astanasy jazǵy Olımpıada oıyndaryn el tarıhynda úshinshi ret ótkizedi. 2024 jylǵy jarystar 1924 jyly Parıjdegi sońǵy oıyndardyń júz jyldyǵyna arnalǵan.
Oıyndy 26 shilde men 11 tamyz aralyǵynda ótkizý josparlanyp jatyr. Sportshylar jalpy 32 sport túrinen, sonyń ishinde Olımpıada oıyndarynda debút jasaıtyn breıkıngten jarysady. Paralımpıada Fransıa astanasynda 2024 jylǵy 28 tamyzynan 8 qyrkúıegine deıin ótedi.