QR Ulttyq olımpıadalyq komıteti keler jyly kúresten Qazaqstan chempıonatynyń elimizdiń qaı qalasynda ótetinin jarıalady, dep habarlaıdy almaty-akshamy.kz.
Atalǵan komıtettiń taratqan málimetine súıensek, lısenzıalyq týrnırler qarsańyndaǵy el birinshiligi Astana qalasynda 5-11 aqpan aralyǵynda uıymdastyrylady.
Qazaqstan chempıonatynda top jarǵan olımpıadalyq salmaqtaǵy sportshylar tórtjyldyqtyń basty dodasy Parıj Olımpıadasynyń joldamasyna talasady. İrikteý týrnırleri 19-21 sáýir aralyǵynda Bishkekte, 9-12 mamyr aralyǵynda Ystambulda ótedi.
Aıta keteıik, kúres túrlerinen Qazaqstan komandasynda ázirge eki joldama bar. Erkin kúres sheberi Azamat Dáýletbekov (86 keli) pen grek-rım kúresiniń ókili Nursultan Tursynov (87 keli) Belgradtaǵy álem chempıonatynda lısenzıa ıelengen bolatyn.