Astrolog Dınara Qurmannyń aıtýy boıynsha, negizinen Qytaı jańa jyly 4 aqpanda. Jyldyń energıasynyń ózi Aıdahardaǵy Ian aǵashy dep atalady. Bul emenge uqsas dińi myqty, tamyryn tereńge jaıatyn úlken aǵash. Bul óte qyńyr aǵash sanalady. Bul daraq ıilýdi bilmeıtin, óte qatty. Sondyqtan keler jyldan qyńyrlyq baıqalýy múmkin. Alaıda astrolog Dınara Qurman aǵashtyń bekzat, jaǵymdy energıasynyń bar ekenin aıtty, dep habarlaıdy almaty-akshamy.kz.
"Aıdahar - bul jyl sanaǵyndaǵy jalǵyz ańyzdyq (mıf) belgi. Bul element, energıa, áser jáne t.b. qandaı da bir ańyzdyq qaıta qurylýy bolatynyn kórsetedi. 2024 - sanany turaqtandyrý úshin qaıta qurý jyly bolady. Bıylǵy jyldyń energıasy ıgi bolady dep esepteletindikten, adamdar ózin salmaqty ustaǵany jón. Al jyldyń ózi qaqtyǵystarǵa ákep turady, tipti qarapaıym adamdardyń ózi kıkiljińge kóp túsedi. Adam ózin salmaqty, aqylmen oılaý arqyly ǵana bul kedergilerdi jeńe alady", - deıdi astrolog.
2024 jyly denniń saýlyǵyn saqtaý úshin nege kóńil bólý qajet?
2024 jyl Qytaı kúntizbesinde aıdahardaǵy Ian aǵashy nemese Aǵash aıdahar dep atalady. Sondyqtan, Dınara Qurmannyń málimetine súıensek, 2024 jyly densaýlyqqa qalaı kóńil bólý keregi Qytaı kúntizbesi boıynsha negizdelgen eki elementke qarap boljanady.
Birinshi element - Ian aǵashy.
"Ian aǵashy joǵary emosıonaldylyq, búlikshil, ashýlanshaqtyq, qyńyrlyq, qoǵamǵa qarsy minez-qulyqpen baılanysty. Sondyqtan, 2024 jyly psıhologıalyq densaýlyqqa kóp kóńil bólgen jón. Mysaly ıoga, medıtasıa jasap, psıholog keńesine qulaq túrip, durys uıyqtap, ımýnıtetti nyǵaıtyp, birqalypta ustaý úshin dárýmender ishý kerek. 2024 jyly psıhologıalyq saýlyq úshin barlyq nársege shydamdylyq tanytyp, sheshimin kıkiljińsiz tabýǵa tyrysqan jón", - deıdi maman.
Qytaı medısınasy turǵysynan Ian aǵashy adam aǵzasyndaǵy baýyr, uıqy bezi, bulshyqet pen sińir sıaqty múshelermen baılanysty, al Aıdahar asqazan-ishek joldarynyń jumysyna jaýap beretin jer elementimen baılanysty.
"Bir qyzyǵy, psıhosomatıka boıynsha baýyr men uıqy beziniń aýrýlary adam ashýlanǵan kezde ustamdy bolýǵa septigin tıgizedi, al asqazannyń tamaqty qoryta almaýy adam ómirindegi qıyn jaǵdaımen baılanysty bolýy múmkin. Kez kelgen aýrýdyń aldyn alý úshin aǵzany ýly zattardan tazartyp, sapaly uıyqtap, fızıkalyq belsendilikke nazar aýdarýyńyz kerek", - deıdi ol.
2024 jyl Qazaqstanda qandaı kásip túrleri sátti bolmaq?
Astrologtyń aıtýynsha, 2024 jyl birneshe maýsymǵa sozylǵan kúrdeli kezeńniń sońy bolady. Óıtkeni, 2013-2017 jyldary el ekonomıkasy alǵa qaraı jyljysa, 2018-2019 jyldary quldyraǵan, 2020 jyl búkil álemdi dúr silkindirgen sýyqqa baılanysty quldyraýdyń eń qıyn maýsymy bolǵan.
"2024 jyldyń birinshi jartysynda Aıdahar álemge shattana qaraıdy, bul ekonomıkanyń jandanýyna oń áser beredi. Degenmen tamyzdan keıin ekonomıka qarqyny baıaýlaıdy, biraq bul sáttilik aldyndaǵy toqyraý bolýy múmkin", - dep túsindirdi maman.
2024 jyly tabysqa kenelip, suranysqa ıe bolatyn salalar:
- bank sektory;
- joǵary tehnologıalar;
- bıznes-prosesterdi avtomattandyrý júıeleri;
- avtomobıl jasaý;
- mashına jasaý;
- sulýlyq ındýstrıasy (teri kútimi);
- farmasevtıka;
- bıotehnologıa;
- medıa;
- sán;
- ekologıa;
- jasyl energıa;
- baılanys;
- logıstıka.
Oıyn-saýyqty jandandyrý, meıramhana bıznesi, konserttik qyzmet, túrli mádenı jáne iskerlik is-sharalar, shyǵarmashylyqpen baılanysty barlyq sala jańa serpin alady.
2024 jyly Qazaqstanda saıası jaǵdaı qandaı bolady?
Elimizde sońǵy birneshe jylda aıtarlyqtaı tájirıbe ákelgen jaǵdaı kóp boldy.
Bıyl qazaqtyń jyl sanaýy boıynsha Ulý jyly. Ulý - múshel esebiniń besinshi jyly, qoıan jylynan soń, jylan jylynan buryn keledi. Qazaq burynnan ár jyldyń ózine tán sıpatyn bergen. Al Ulý jyly qandaı bolady? Keler 2024 jyldyń qandaı bolatynyn astrolog Dınara Qurman Massaget.kz tilshisine aıtyp berdi.
2024 - Ulý jyly qandaı bolady?
"Keler jyly qoǵamda búlikshil rýh saqtalady, áıeldiń qoǵamdaǵy jáne saıasattaǵy róli edáýir artady. Zańnamalyq aktige, onyń ishinde sot júıesine eleýli ózgerister engiziledi.
Al shet eldegi qaqtyǵystardyń kúsheıý yqtımaldylyǵy joǵary, qaqtyǵysty bastaǵan prezıdentterdiń týǵan kúnderin zertteý arqyly olar máseleniń sheshimin tabý úshin kelissóz júrgizedi degen úmittiń az ekenin baıqadym.
2024 jyl - tek bizdiń elimizde ǵana emes, jalpy álemde de eleýli ózgerister jyly bolady. Kem degende, álemdegi memleketterdiń jartysy kelesi jyly tańdamaly saıası naýqan uıymdastyrady dep esepteımin", - dep boljady astrolog.
2024 jyly qaýipti aılar men kezeńder
Sonymen qatar, astrolog keler jyly qaýipti kezeńge qandaı aılar kiretinin aıtty.
"2024 jyldyń qaýipti kezeńine sáýir jáne qazan aılary kiredi. Aıdahar jer elementine jatatyndyqtan, barlyq qaýipti kórinis jermen baılanysty, mysaly jer apattary, jarylystar, kóshkinder. Sondyqtan osy kezeńde alys jolǵa jáne taýǵa shyǵýdan bas tartqanyńyz abzal", - deıdi Dınara Qurman.