Mınıstr Aıdarbek Saparovtyń tóraǵalyǵymen ótken Qazaqstan Respýblıkasy Aýyl sharýashylyǵy mınıstrliginiń keńeıtilgen alqa otyrysynda 2024 jyly agroónerkásiptik keshenge ınvestısıalar tartý jónindegi jumystyń nátıjeleri aıtyldy, dep habarlaıdy aqshamnews.kz.
2024 jyly AÓK negizgi kapıtalyna ınvestısıalar 1,1 trln teńgeden asty, onyń ishinde 919 mlrd teńge aýyl jáne balyq sharýashylyǵyna (ósim - 102%), azyq - túlik óndirisine - 181 mlrd teńge (ósim-115%) baǵyttaldy.
286 joba paıdalanýǵa berildi.
Jergilikti atqarýshy organdarmen birlesip 2025-2027 jyldarǵa arnalǵan AÓK ınvestısıalyq jobalaryn iske asyrý boıynsha Jol kartasy ázirlendi, onyń sheńberinde 2,4 trln teńge somasyna 632 jobany iske asyrý josparlanýda. 2025 jyly 264 joba, 2026 jyly – 249, 2027 jyly – 119 joba iske qosylady dep josparlanǵan.
Negizgi ınvestısıalar aýyl sharýashylyǵy ónimderin qaıta óńdeý, qus sharýashylyǵy salasyndaǵy jobalarǵa, jylyjaı keshenderine baǵyttalatyn bolady.
Olardyń ishinde qýattylyǵy 10 000 tonna jylyjaı kesheni, qýattylyǵy 30 000 ga tamshylatyp sýarý júıelerin ornatý, Túrkistan oblysynda 150 000 tonnaǵa júgerini tereń óńdeý jobasy, SHQO-da qýattylyǵy 50 000 tonna maı zaýyty bar. Almaty oblysynda qýattylyǵy 8 700 tonna qus fabrıkasyn ashý josparlanýda, Aqtóbe oblysynda qýattylyǵy 2 500 tonna jún óńdeý zaýyty paıdalanýǵa beriledi.
Sheteldik ınvestısıalardy tartý boıynsha jumys jalǵasýda: PepsiCo jáne Mars transulttyq kompanıalary 500 mln.AQSH dollary somasyna jobalardy iske asyrýda, Tiryaki, Dalian Hesheng Holdings Group Co, Fufeng Group jáne basqalary bıdaı men júgerini tereń óńdeý boıynsha jobalardy iske asyrýda, Alarko Holding, "Eko-mádenıet" jylyjaı sharýashylyqtaryn damytýda.
Otyrys sońynda mınıstr 2025 jylǵa josparlanǵan ınvestısıalyq jobalardy ýaqtyly paıdalanýǵa berýdi qamtamasyz etýdi, salaǵa 2,0 trln teńgeden astam ınvestısıa tartý jónindegi jumysty jandandyrýdy tapsyrdy.