Almatyda jaqynda iske asyrýǵa tıisti ınvestısıalyq jobalar pýly bar. Bul týraly Memleket basshysy aldynda baıandama jasaǵan ákim Erbolat Dosaev málimdedi.
Onyń aıtýynsha, TKSH salasynda 370 km sýmen jabdyqtaý jáne 509 km – sý burý, 74,4 km – jylýmen jabdyqtaý, 89 km – elektrmen jabdyqtaý, 44 km qala syrtyndaǵy kolektorlar men 23 qazandyqty qaıta jańartý kózdelip otyr, dep habarlaıdy Almaty-akshamy.kz.
Jol-kólik ınfraqurylymy boıynsha 7 kóshege: Muqanov, Tilendıev, Raıymbek, Abaı 1 ých., Hmelnıskıı, Soltústik aınalma jáne Ońǵarsynova kóshelerin uzartý júrgiziledi, «Rahat-Mádenıet», «Boraldaı», «Terekti», «Jas Qanat» syndy 4 shaǵyn aýdanda 2 avtopark pen 82,4 km jańa jol salý josparlanǵan.
Densaýlyq saqtaý salasynda 2 kópbeıindi aýrýhana, 8 emhana, 4 MSAK ortalyǵy (Medısınalyq-sanıtarlyq alǵashqy kómek), 2 perzenthana salynyp, 6 nysan qaıta jańartylady.
Bilim berý ınfraqurylymy boıynsha 5 jańa mektep pen 7 balabaqsha salý, 14 mektep pen 15 balabaqsha ǵımaratyn seısmıkalyq kúsheıtý josparlanǵan.
Sonymen qatar, qoǵamdyq keńistikti abattandyrý úshin 8 ózen arnasy, 8 saıabaq aımaǵy jáne 24 sýburqaq kesheni jańǵyrtylady.
Indýstrıalyq aımaqty damytýdyń İİ kezeńi aıasynda ony 194 gektarǵa keńeıtý úshin ınjenerlik ınfraqurylym salynady.