Almaty qalasyndaǵy akredıtteý departamenti «Ulttyq akredıtteý ortalyǵy» RMK 2024 jyldyń birinshi jartyjyldyǵynda baǵa berý úshin 225 ret tekserý júrgizdi.
Onyń 124 — i josparly, al 101-i ótinish berýshilerdiń ornalasqan jeri boıynsha tekserýler boldy. Mundaı derekterdi Óńirlik komýnıkasıalar qyzmetiniń brıfıńinde Ulttyq akredıtteý ortalyǵynyń dırektory Rınat Baýtov keltirdi, dep habarlaıdy aqshamnews.kz.
Eseptik kezeńde akredıtteý materıaldary boıynsha 94 saraptamany jáne 123 tekserýdi qosa alǵanda, 125 ótinim óńdeldi. 130 ınspeksıalyq tekserý júrgizildi. Ótinimderdiń negizgi bóligi qaıta akredıtteý (53 ótinim) jáne bastapqy akredıtteý (46 ótinim) boldy, bul akredıtteý qyzmetterine degen joǵary suranysty kórsetedi.
Sonymen qatar, Departament jumys istep turǵan baǵalaýshylardy qoldaý úshin jas qyzmetkerler qatarynan kadrlyq rezerv qurý boıynsha belsendi jumys isteýde, bul júrgiziletin baǵalaýlar men ınspeksıalyq tekserýlerdiń sapasyn arttyrýǵa múmkindik beredi.