2023 jylǵy mamyrdan jeltoqsan aralyǵynda Kásiptik biliktilik jónindegi ulttyq organ Ulttyq biliktilik júıesin damytý sheńberinde jáne eńbek resýrstary daǵdylaryn damytý máselelerinde konsýltasıalyq jáne ádistemelik qoldaý boıynsha 20 semınar ótkizdi.
Biliktilikti taný úshin kásipter tizilimi quryldy. Ótken jyly 219 kásiptik standart ózektendirildi, qosymsha 47 ázirlenip, bekitildi, dep habarlaıdy Almaty-akshamy.kz.oqý,
Barlyǵy memlekettik organdar, «Atameken» odaǵy» UKP, qoǵamdyq jáne salalyq keńester, qaýymdastyqtar, ZTB, jumys berýshiler, kásipodaqtar, kásiptik biliktilikti taný ortalyqtary men bilim berý uıymdary ókilderinen 1 198 adam oqytýdan ótti.
Atalǵan jumys kadrlar daıarlaý men eńbek naryǵynyń baılanysyn qamtamasyz etý, kásiptik biliktilikti taný júıesin engizý, Qazaqstan azamattarynyń kásiptik mobıldiligi men jumysqa ornalasý deńgeıin arttyrý sheńberinde júrgiziledi.
Budan basqa, osy baǵytty iske asyrý úshin KBUO kómegimen 2023 jyly 18 memlekettik organnyń janynan 42 salalyq kásiptik biliktilik keńesi quryldy, onyń quramyna 700-den astam adam kirdi, onyń 50 %-y jumys berýshiler men qaýymdastyqtardyń ókilderi.
«KBUO qurylǵan sátten bastap turaqty negizde otyrystar ótkizilip, onda aǵymdaǵy mindetter men kásiptik standarttardy, salalyq biliktilik sheńberlerin ózektendirý jáne ázirleý, kásiptik biliktilikti tanýdy engizý jáne t.b. máselelerin sheshý joldary talqylanyp, izdestirilýde», – dep bólisti KBUO basshysy Erasyl Jumanbaev.
Sondaı-aq, jumys izdeýshiler men jumys berýshilerdiń biliktilikti taný boıynsha qyzmetterdi alý yńǵaılylyǵyn qamtamasyz etý maqsatynda UBJ sıfrlyq platformasynda kásiptik biliktilikti taný ortalyqtaryn akredıtteý fýnksıonaly iske qosyldy.
Azamattarǵa kásiptik biliktilikti taný júzege asyrylatyn kásipter týraly durys aqparat berý úshin UBJ sıfrlyq platformasynda kásipter tizilimi qalyptastyrylyp, ornalastyryldy. Oǵan 513 mamandyq engizildi, onyń 136-sy boıynsha biliktilikti taný mindetti negizde jáne 377-si erikti negizde júzege asyrylady.
Sonymen qatar UBJ platformasynyń mańyzdy baǵyttarynyń biri – jasandy ıntellektti engizý arqyly UBJ platformasynda Bilim berý baǵdarlamalarynyń tizilimin qalyptastyrý úshin Oqý-aǵartý, Ǵylym jáne joǵary bilim mınıstrlikteriniń aqparattyq júıelerimen ıntegrasıalanýy. Bul óz kezeginde kásiptik standarttardaǵy ózgeristerge neǵurlym jedel den qoıýǵa jáne olardy bilim berý baǵdarlamalaryna beıimdeýge múmkindik beredi.
Ótken jyly memlekettik organdar 1 329 kásipti qamtı otyryp, 219 kásiptik standartty ózektendirdi, 148 kásipti qamtı otyryp, 47 kásiptik standart ázirlenip, bekitildi. KBUO 223 kásiptik standart jobasy boıynsha oń qorytyndy berdi, al 232 kásiptik standart memlekettik organdarda jasalý barysynda.