2023 jyly Almatyda týrızm basqarmasy týrısik ınfraqurylymdy abattandyrý boıynsha jumys júrgizdi. Bul týraly Almaty qalasy týrızm basqarmasynyń basshysy Ǵalıa Toqseıitova málimdedi.
Atap aıtqanda, «Aqbulaq», «ÚAK» jáne «Myńjylqy» 3 kempıng-aımaǵy ornatyldy, onda shatyrlar, jaıly besedkalar, ústel-oryndyqtar, átkenshekter paıda boldy. Sonymen qatar, uzyndyǵy 150 km bolatyn 12 taý baǵyty abattandyryldy, onda aqparattyq stendter, kórsetkishter, demalýǵa arnalǵan platformalar, kópirler men besedkalar ornatyldy.
«Sonymen birge, Almaty halyqaralyq áýejaıynyń pasporttyq baqylaý aımaǵyndaǵy kabınalardy jabdyqtadyq. Endi týrıserdi álemge belgili toǵyz tilde, sonyń ishinde qazaq, orys, aǵylshyn, arab, qytaı, fransýz, ıtalán, túrik jáne koreı tilinde qarsy alady. Almaty qalasynyń áýejaıynda taksısterdiń zańsyz is-áreketteriniń jıileýine baılanysty Almaty qalasynyń halyqaralyq áýejaıynyń termınaldarynda taksı tarıfteri kórsetilgen aqparattyq stendter ilindi, sonymen birge kedendik baqylaý aımaǵynda sheteldik azamattardyń pasporttaryna aqparattyq qosymsha paraqtar berý kózdelgen», - dedi Ǵalıa Toqseıitova.
Buǵan qosa, qala qıylystarynda 54 aqparattyq totem jańartyldy. Qala kartasymen qosa, olar tanymal týrısik oryndarǵa baǵyttardy usynady. Sonymen qatar, byltyr vırtýaldy 3D týrlar bastaldy. Endi visitalmaty.kz saıtyndaǵy álemniń kez kelgen jerinde paıdalanýshylarǵa tegin aýdıo-beıne týrlar qoljetimdi.
«Óz kezeginde, biz qala turǵyndary men qonaqtarynan mádenıetti bolýdy, ınfraqurylym nysandaryna aıalap uqypty qaraýdy jáne vandalızm faktilerine jol bermeýdi suraımyz», - dedi týrızm basqarmasynyń basshysy.
2024 jyly týrısik ınfraqurylymdy jaqsartý jáne damytý jónindegi jumystar jalǵasady, onyń ishinde kempıng-aımaqtar ornatylyp, taý joldary abattandyrylady.