2023 jyldyń qorytyndysy boıynsha Almatyda 2022,1 mlrd. teńgeniń ónerkásiptik ónimi óndirildi, bul 2022 jyldyń deńgeıimen 115,8%.
Óńdeýshi ónerkásip salalarynyń ishinde naqty kólem ındeksi 117,5% boldy (kólemi 1737,9 mlrd. teńge, úlesi 85,9%), farmasevtıkalyq preparattar óndirisindegi kólemderdiń 8,6%-ǵa (úlesi 1,3%, «Farmasıa» SK tapsyrystary), avtomobılderdiń, tirkemeler men jartylaı tirkemelerdiń 31,3%-ǵa (úlesi 29,9%), ózge de metal emes mıneraldyq ónimderdiń 6,8%-ǵa (úlesi 5,5%, qurylys uıymdarynyń taýarlyq betonǵa, qurylys eritindilerine tapsyrystary), daıyn metal buıymdarynyń tapsyrystary 10,9%-ǵa (úlesi 2,5%, qurylys uıymdarynyń qara metaldar men alúmınıden jasalǵan esik pen tereze jaqtaýyna tapsyrystary), jıhazdyń tapsyrystary 3,6 ese (úlesi 1,1%), mashına jasaý salasynda 11,3%-ǵa (úlesi 39,5%, avtokólik quraldaryn shyǵarý, eksporttyq jetkizilimder) ósýi baıqalady.
Jeke kásipkerlikke memlekettik qoldaý kórsetý maqsatynda mashına jasaý, tamaq, jeńil ónerkásip, farmasevtıka, hımıa ónerkásibi jáne qurylys materıaldary óndirisiniń basym salalaryn damytý úshin qurylǵan Almatynyń ındýstrıalyq aımaǵy belsendi damyp keledi.
2023 jyly ındýstrıalyq aımaqta 9,6 mlrd. teńgege 585 jumys orny ashylǵan 8 ınvestısıalyq jobany tehnıkalyq iske qosý júzege asyryldy, atap aıtqanda 8,3 mlrd. teńgege 285 jumys orny qurylǵan 5 kásiporyn («Álem Tynysy» JSHS, «Green Innovation» JSHS, «BSF» JSHS, «Irrıgator Qazaqstan» JSHS, «Telli Ondiris» JSHS) jáne 1,3 mlrd. teńgege 300 jumys ornyn qurylǵan 3 shaǵyn ónerkásip parki («D&J Investments & Logistic» JSHS, «ADS Industries» JSHS (2-kezeń), «Mirus Company» JSHS) bar.
«Inovasıalyq tehnologıalar parki» arnaıy ekonomıkalyq aımaǵynda 980 mln.teńgege 15 jumys ornyn qurǵan RAWAK tómen vóltty júıesiniń ınovasıalyq tehnologıasyn qoldana otyryp, elektrotehnıkalyq jabdyq óndiretin «OISB Kazakhstan» (Malaızıa) zaýyty iske qosyldy.