AQSH-tyń Leık-Plesıd qalasynda 2023 jylǵy Qysqy Ýnıversıada saltanatty túrde ashyldy.
Dúbirli dodada el namysyn 78 sportshy qorǵaıdy, dep habarlaıdy Almaty-akshamy.kz QazAqparatqa silteme jasap.
Onyń ishinde shańǵymen jarysýdan - 14, short-trekten - 12, bıatlonnan - 9, mánerlep syrǵanaý men kónkımen júgirýden - 6, snoýbord, taý shańǵysy sporty, tuǵyrdan sekirý men qossaıystan - 2, shaıbaly hokeıden 23 qazaqstandyq stýdent jarys jolyna shyǵady.
Qazirge deıin qazaqstandyq sportshylar barlyǵy 107 medalǵa, sonyń ishinde 20 altyn, 40 kúmis, 47 qola medalǵa ıe boldy. Bul jóninen jalpykomandalyq esepte 107 memlekettiń arasynda 35-shi orynda tur. Kósh basynda AQSH, Qytaı, Reseı sportshylary keledi.
Ýnıversıada oıyndarynyń tarıhy 1924 jyldan bastaý alady. Ol 1959 jylǵa deıin Búkilálemdik ýnıversıtet oıyndary atalyp keldi. Sol jyldan bastap ýnıversıada bolyp tanyldy. Oǵan qatysý talaptary engizildi. Ol boıynsha 17 jasqa tolǵan jáne 28 jastan aspaǵan jigitter men qyzdar atalmysh oıyndarǵa qatysýǵa múmkindik alady.
Dúbirli dodany tikeleı efırde kórsetý mindetin «Qazsport» telearnasy óz mindetine alyp otyr.