Jyldyń qorytyndy reıtinginde palýan aldyńǵy orynǵa shyqty.
Qazaqtan shyqqan álem chempıony Rızabek Aıtmuhan 92 kelige deıingi salmaqta kósh bastap tur. Ekinshi orynda Grýzıa, úshinshi satyda Ázirbaıjan balýany ornalasqan.
86 kelige deıingi salmaqta álem chempıonatynyń qola júldegeri atanǵan Azamat Dáýletbekov reıtıńtiń ekinshi satysyna jaıǵasty. Ol áıgili Hasan Iazdanıdi de artta qaldyrǵan.
79 kelige deıingi salmaqta Azıa chempıony Bolat Saqaev tórtinshi orynǵa turaqtady.
Aıta keteıik, reıtıńti túzý barysynda balýandardyń álem, qurlyq chempıonattary men Azıa oıyndarynda kórsetken nátıjeleri esepke alyndy.
Esterińizge sala keteıik, 2023 jyly Serbıa astanasy Belgradta ótken álem chempıonatynda 20 jastaǵy Rızabek Aıtmuhan álem chempıony atanǵan bolatyn. Táýelsiz Qazaqstan tarıhynda tuńǵysh álem chempıony degen ataqqa ıe bolǵan Rızabek bul jeńiske jetý úshin 9 jyl ter tókken.