Bıyl 349 800 teńgege bıznes sýbektileriniń quqyqtary qorǵaldy.
Almaty qalasynyń Kásipkerler palatasynyń dırektory Aıtýar Qoshmambetov Óńirlik komýnıkasıalar qyzmeti alańynda ótip bara jatqan 2022 jyldyń qorytyndysyn jasady, dep habarlaıdy Almaty-akshamy.kz.
Ol mamyr, qyrkúıek aılarynda Almaty qalasynda Qazaqstan Respýblıkasy «Atameken» Ulttyq kásipkerler palatasynyń Tóralqa tóraǵasy R.A. Batalov jáne Almaty qalasynyń ákimi Erbolat Dosaevpen kásipkerlerdiń kezdesýleri ótkenin aıtty.
Atalǵan kezdesýler barysynda aıtylǵan máseleler UKP jumysyndaǵy respýblıkalyq mańyzy bar tizilimge qosylǵan.
Máselen:
- Almaty qalasy Almaly aýdanynyń prokýratýrasymen birlesip, qoǵamdyq tamaqtandyrý salasymen aınalysatyn 8 kásipkerge ákimshilik quqyq buzýshylyq týraly hattamalardy joıý boıynsha kómek kórsetildi. 349 800 teńgege bıznes sýbektileriniń quqyqtary qorǵaldy.
- «Solva» mıkroqarjy uıymynyń ótinishi boıynsha, Palatanyń kómegimen qalada kásipkerdiń jarnamalyq nysandaryn ornalastyrýǵa tyıym salý týraly sheshimniń kúshi joıyldy. Prokýratýramen Qalalyq josparlaý jáne ýrbanıstıka basqarmasyna qatysty qadaǵalaý aktisi engizilip, kináli laýazymdy tulǵalar tártiptik jaýapkershilikke tartyldy.
Esepti kezeńde Palata 203 normatıvtik quqyqtyq aktiniń jobasyna saraptama júrgizdi. 30 jobaǵa eskertýler joldandy. Negizinen, eskertýler tarıfterdiń, salyq mólsherlemeleriniń negizsiz kóterilýine jáne ekonomıkalyq esepterdiń joqtyǵyna qatysty.
2022 jyly Keńestiń 10 otyrysy ótti. 22 problemalyq másele qaraldy. 7 laýazymdy tulǵany jaýapkershilikke tartý sharalary qabyldandy.
Máselen, 2022 jyly «Medeý» muz aıdynynan «Shymbulaq» taý-shańǵy kýrortyna taksı – elektr kólikterdiń júrýine budan buryn negizsiz tyıym salynǵan bolatyn.
Ákimdiktiń «Almaty qalasynyń jekelegen aýmaqtaryna kólik quraldarynyń kirýine shekteý qoıý týraly» qaýlysyna sáıkes, aýdanda turatyn jáne (nemese) jumys isteıtin jeke jáne zańdy tulǵalarǵa tıesili jáne (nemese) qyzmet kórsetetin kólik quraldary jáne elektrmen júretin kólikter, komýnaldyq qyzmet kólikteriniń júrýin qospaǵanda, «Shymbulaq» shatqalynyń erekshe qorǵalatyn tabıǵı aımaǵyna kólikterdiń kirýine shekteý qoıyldy.
Keńestiń ár túrli otyrystarynda bul másele úsh ret kóterildi.
Nátıjesinde, Palatanyń bastamasymen Almaty qalasynyń tabıǵatty qorǵaý prokýratýrasy «Medeý» saıabaǵyna usynys engizip, onyń qorytyndysy boıynsha, saıabaq elektrokóliktermen júretin barlyq taksoparkterge kólikpen júrýdi qamtamasyz etý týraly sheshim qabyldady.