450,7 myńǵa jýyq bala dúnıege kelgen, bul – tarıhı maksımým.
2021 jyly týý kórsetkishi 2020 jylmen salystyrǵanda 25 myń adamǵa nemese (+5,9% ) ósti, dep habarlaıdy Almaty-akshamy.kz İnbusiness.kz saıtyna silteme jasap.
Birinshi kredıttik búronyń baspasóz qyzmetiniń málimetinshe, 2021 jyly týǵan árbir ekinshi bala Qazaqstannyń ońtústiginde dúnıege kelgen, jalpy úlesi 55% quraıdy.
Soltústik oblystarda dúnıege kelgender (Nur-Sultandy qosa alǵanda) 16% ǵana. Búronyń málimetinshe, joǵarylaǵan tek týý kórsetkishi ǵana emes. 2021 jyly Qazaqstanda 183,4 myń adam qaıtys boldy, bul bir jyl burynǵydan 12,8%-ǵa (nemese 20,7 myń) artyq. 2019 jylmen salystyrǵanda, qaıtys bolǵandar sany 37,4%-ǵa (nemese 49,9 myń) artqan.
Osylaısha, týý kórsetkishiniń artýy halyqtyń tabıǵı ósimine is júzinde áser etken joq. Ótken jyldyń qorytyndysy boıynsha 267,3 myń adamdy qurady, bul sońǵy 8 jyldaǵy ortasha deńgeıge sáıkes keledi.