Úsh óńirde qar aralas jańbyr jaýyp, kóktaıǵaq bolatyny eskertildi.
"Qazgıdromet" RMK mamandary sársenbige arnalǵan aýa raıynyń jalpy boljamyn usyndy, dep habarlaıdy aqshamnews.kz
Boljamǵa sáıkes, Qazaqstanda qolaısyz aýa raıy minez tanytady.
"Atmosferalyq frontaldy bólikterdiń jyljýyna baılanysty Qazaqstan aýmaǵynyń basym bóliginde jaýyn-shashyn (jańbyr men qar) bolady. Ońtústikte, ońtústik-shyǵysta, elimizdiń ortalyǵynda qatty jaýyn-shashyn (jańbyr, qar) bolady dep kútiledi. Respýblıka boıynsha tuman, kóktaıǵaq, jeldiń ekpin alýy syndy tabıǵı ortaq qubylys kórinis tabady dep kútiledi", delingen "Qazgıdromet" RMK aqparatynda.
Sondaı-aq, taıaý táýlikte respýblıkamyzdyń shyǵys jáne batys oblystarynyń sý obektilerinde muz túzilý prosesi júrip, respýblıkamyzdyń ońtústik jáne ońtústik-shyǵys ózenderinde sý deńgeıiniń kóterilýi baıqalatyn bolady.