1954 jyly BUU Bas Assambleıasy barlyq elderge osy kúndi balalardyń álemdik dostastyǵy men ózara túsinistik kúni retinde atap ótýge usynys jasady. Bul kún álemdegi balalardyń ál-aýqatyn qamtamasyz etý maqsatynda atqarylyp jatqan is-sharalarǵa arnalady.
BUU-nyń sońǵy málimetteri boıynsha, álemdegi árbir besinshi bala ekstremaldy kedeılikte ómir súrip jatyr. 160 mıllıon bala, bul – árbir onynshy bala, ómir súrý úshin jumys isteýge májbúr. Ár jyl saıyn 11 mıllıon bala 5 jasqa jetpeı qaıtys bolady, al ondaǵan mıllıon bala fızıkalyq nemese aqyl-oı damýynyń aýytqýlaryna ushyrap, ósý, ómir súrý jáne damýǵa múmkindik almaıdy.
Halyqaralyq balalar kúni kezinde álemniń ár túrli elderinde qoǵamdyq jáne komersıalyq uıymdardyń qoldaýymen qaıyrymdylyq aksıalary men sharalar ótkiziledi.
Bul kúni álem balalardyń ıdeıalary men talaptaryna erekshe nazar aýdarýy qajet.