Qyzdar merekesi qarsańynda Parıjdegi sán aptalyǵynda 99% aýadan jasalǵan sómke kópshilik nazaryna usynyldy.
Parıjdik Coperni sán brendi NASA-men birlesip Air Swipe sómkesin shyǵarǵan, dep habarlaıdy almaty-akshamy.kz.
Sómkeniń ereksheligi sol, 99% aýadan jáne 1% shynydan jasalǵan. Últra zamanaýı móldir ámıannyń salmaǵy nebári 33 gram. Ólshemi 27h16h6 sm. Bylaısha aıtqanda standartty shammen birdeı. Ol nanomaterıaldan – kremnıı aerogelinen jasalǵan. Ol 1200 gradýs Selsıı temperatýraǵa, óziniń salmaǵynan 4 myń ese artyq qysymǵa tótep bere alady. Brend ınovasıalyq aksesýardy Kıprdegi Amerıka ýnıversıtetiniń sýretshisi jáne kremnıı aerogelderin zertteýshi Ioannıs Mıhalýdıspen birge ázirlegen. Dızaınerler ony jasaý úshin 15 prototıp qajet bolǵanyn aıtty.
Jalpy osynaý sándik sómkeniń baǵasyn bilesiz be? Ónertapqyshtar ony 40 000 eýroǵa baǵalaǵan. Bizdiń teńgege shaqqanda 19 mılıon teńge shamasynda.
Sonymen osynaý sómkeni ustaýǵa qyrýar qarjy jumsaýǵa daıynsyz ba?