Qazaqstannyń basym bóliginde shańdy daýyl turyp, kúnniń salqyndaıdy
Qazaqstannyń 14 oblysynda 18 mamyrda qolaısyz aýa raıyna baılanysty eskertý jarıalandy, dep habarlaıdy Almaty-akshamy.kz "Qazgıdromet" RMK-ǵa silteme jasaı otyryp.
Kúndiz Aqmola oblysynyń batysynda, ońtústiginde jańbyr jaýady dep kútiledi. Oblystyń batysynda, ońtústiginde naızaǵaı oınap, burshaq jaýýy múmkin. Oblystyń ońtústiginde, soltústik-batysynda shyǵystan soqqan jeldiń ekpini 15-20 m/s quraıdy. Túnde oblystyń soltústik-shyǵysynda topyraq beti qatyp, synap baǵany -2 gradýsqa deıin tómendeıdi, úsik júredi dep boljanady. Astanada shyǵystan 15-20 m/s, Kókshetaýda tańerteń jáne tústen keıin shyǵystan 15 m/s jyldamdyqpen jel soǵady dep kútiledi.
Atyraý oblysynyń soltústiginde, ońtústiginde, shyǵysynda naızaǵaı oınaıdy dep kútiledi. Oblystyń soltústiginde, batysynda soltústik-shyǵystan soqqan jeldiń ekpini - 15-20 m / s.
Kúndiz Almaty oblysynyń batysynda, ońtústiginde, taýly aımaqtarynda qatty jańbyr jaýyp, naızaǵaı oınaıdy, burshaq ta túsedi dep kútiledi. Oblystyń ońtústiginde, shyǵysynda, taýly aýdandarynda soltústik-shyǵystan soqqan jeldiń ekpini 18-23 m/s, keı tusta 30 m/s deıin jetip, tipti odan da asady dep boljanady. Almatyda kúndiz naızaǵaı oınap, jańbyr, burshaq jaýady dep kútiledi. Kúndiz soltústik-shyǵystan soqqan jeldiń ekpini 18-23 m/s quraıdy. Qonaevta kúndiz naızaǵaı oınaıdy dep kútiledi. Soltústik-shyǵystan soqqan jeldiń ekpini 18-23 m/s, kúndiz 30 m/s jáne odan da kóp bolady dep boljanady.
Qostanaı oblysynyń basym bóliginde jańbyr jaýady, túnde oblystyń ortalyǵynda, ońtústiginde qatty jańbyr jaýady. Oblystyń ońtústik jartysynda naızaǵaı oınap, burshaq túsýi múmkin. Kúndiz oblystyń shyǵysynda shańdy daýyl turady. Kúndiz oblystyń soltústiginde, shyǵysynda soltústik-shyǵystan, shyǵystan soqqan jeldiń ekpini 15-20 m/s, keı tusta 23 m/s quraıdy. Oblystyń ońtústiginde órt qaýpi joǵary. Qostanaıda soltústik-shyǵystan, shyǵystan 15-20 m/s jyldamdyqpen jel soǵady dep kútiledi.
Jetisý oblysynyń ońtústiginde, shyǵysynda, ortalyǵynda, taýly aýdandarynda naızaǵaı oınaıdy dep kútiledi. Kúndiz oblystyń batysynda, ońtústiginde soltústik-shyǵystan soqqan jeldiń ekpini 17-22 m/s, keı tusta 30 m/s jáne odan da kóp bolady. Taldyqorǵanda kúndiz naızaǵaı oınaıdy. Soltústik-shyǵystan soqqan jeldiń naızaǵaı kezindegi ekpini - 15-20 m/s.
Túnde Batys Qazaqstan oblysynyń ońtústiginde, kúndiz óńirdiń shyǵysynda naızaǵaı oınaıdy dep kútiledi. Oblystyń ońtústiginde, shyǵysynda soltústik-shyǵystan soqqan jeldiń ekpini 15-20 m/s quraıdy.
Tańerteń jáne tústen keıin Qyzylorda oblysynyń ortalyǵynda, soltústiginde naızaǵaı oınaıdy dep kútiledi. Oblystyń ortalyǵynda, soltústiginde ońtústikten soqqan jeldiń ekpini - 15-20 m/s. Óńirde tótenshe órt qaýpi saqtalady. Qyzylordada ońtústikten soqqan jeldiń ekpini 15-20 m/s quraıdy, qalada tótenshe órt qaýpi saqtalady.
Kúndiz Mańǵystaý oblysynyń ortalyǵynda jańbyr, burshaq jaýady dep kútiledi. Oblystyń ortalyǵynda, batysynda naızaǵaı oınaıdy dep boljanady. Oblystyń batysynda, ońtústiginde soltústik-batystan 15-20 m/s jyldamdyqpen jel soǵady. Aqtaýda kúndiz jáne túnde kún kúrkirep, naızaǵaı oınaıdy. Soltústik-batystan soqqan jeldiń ekpini - 18 m/s.
Kúndiz Qaraǵandy oblysynyń batysynda qatty jańbyr jaýyp, naızaǵaı oınaıdy dep kútiledi. Oblystyń shyǵysynda, soltústiginde shyǵystan soqqan jeldiń ekpini 15-20 m/s quraıdy. Oblystyń soltústiginde, shyǵysynda órt qaýpi joǵary.
Túnde Aqtóbe oblysynyń soltústik-shyǵysynda qatty jańbyr jaýady, oblystyń ońtústiginde, shyǵysynda naızaǵaı oınap, kúndiz oblystyń soltústiginde burshaq jaýady. Oblystyń soltústiginde, shyǵysynda, batysynda shyǵystan, soltústik-shyǵystan soqqan jeldiń ekpini 15-20 m/s quraıdy. Aqtóbede túnde soltústik-shyǵystan 15-20 m/s jyldamdyqpen jel soǵady dep kútiledi.
Túnde Shyǵys Qazaqstan oblysynyń shyǵysynda synap baǵany -2 gradýsqa deıin tómendep, úsik júredi dep boljanady.
Túrkistan oblysynyń taýly aımaqtarynda qatty jańbyr jaýady dep kútiledi. Oblystyń soltústiginde, ońtústiginde, batysynda, taýly aýdandary men taý bókterinde naızaǵaı oınap, daýyl bolady, burshaq jaýady dep boljanady. Oblystyń soltústiginde, ońtústiginde, batysynda, taýly aýdandary men taý bókterinde ońtústik-batystan 15-20 m/s, keı tusta 23 m/s jyldamdyqpen jel soǵady .Shymkentte naızaǵaı oınap, daýyl turady dep kútiledi. Ońtústik-batystan soqqan jeldiń ekpini - 15-20 m/s. Túrkistanda naızaǵaı oınaıdy, daýyl turady dep kútiledi. Ońtústik-batystan soqqan jeldiń ekpini 15-20 m/s quraıdy.
Kúndiz Pavlodar oblysynyń basym bóliginde shyǵystan 15-20 m/s jyldamdyqpen jel soǵady, túnde oblystyń soltústiginde synap baǵany -3 gradýsqa deıin tómendep, úsik júredi dep boljanady. Pavlodarda kúndiz shyǵystan soqqan jeldiń ekpini - 15-20 m/s. Túnde topyraq beti qatyp, synap baǵany -2 gradýsqa deıin tómendeıdi dep boljanady.
Túnde Jambyl oblysynyń soltústiginde, ońtústik-batysynda, taýly aýdandarynda qatty jańbyr jaýady. Túnde jáne tańerteń oblystyń taýly aımaqtarynda tuman túsedi. Tarazda túnde jáne tańerteń qatty jańbyr, burshaq jaýady, naızaǵaı oınaıdy dep kútiledi. Túnde jáne tańerteń soltústik-batystan ońtústik-batysqa oıysa soqqan jeldiń naızaǵaı kezindegi ekpini 15-20 m/s, keı tusta 23 m/s deıin jetedi dep boljanady.