Eldiń keı jerlerinde jel kúsheıedi
Sınoptıkter Qazaqstan boıynsha 17 tamyz kúngi aýa raıy boljamyn usyndy. Elimizdiń basym bóliginde keń aýqymdy soltústik-batys antısıklon jaýyn-shashynsyz aýa raıyn saqtaıdy, sonymen qatar aýa temperatýrasy birtindep tómendeıdi, dep habarlaıdy Almaty-akshamy.kz.
Respýblıkanyń soltústiginde, shyǵysynda, ońtústik-shyǵysyndaǵy taýly aımaqtarda naızaǵaı oınap, jańbyr jaýady. Eldiń keı jerlerinde jel kúsheıedi dep boljandy.
Kúndiz Batys Qazaqstannyń ońtústiginde, Mańǵystaý, Atyraý oblystarynyń shyǵysynda kún qatty ystyq bolady.
Kúndiz Aqtóbe oblysynyń batysynda qatty ystyq saqtalady.
Qyzylorda oblysynda, Túrkistan oblysynyń ońtústigi men shyǵysynda, Atyraý, Aqtóbe, Almaty oblysynyń shyǵysynda, Batys Qazaqstan, Mańǵystaý, Jetisý oblystarynyń ońtústiginde, Jambyl oblysynyń ońtústigi men batysynda, Abaı oblysynyń Besqaraǵaı aýdanynda tótenshe órt qaýpi saqtalady.