On jeti jastan asqan er azamattar avtomatty túrde áskerı esepke alynady.
Burynǵydaı tirkeý kýáliginiń qajeti joq, dep habarlaıdy Almaty-akshamy.kz 24.kz-ke silteme jasap. Densaýlyq mınıstrligi arqyly bolashaq sarbazdyń densaýlyǵy jaıly málimetter de júıege engiziledi. Jańashyldyq keler jyldyń birinshi qańtarynan bastap qoldanysqa enedi. Bul týraly Sıfrlyq úkimetti qoldaý ortalyǵynyń koordınatory Rústem Irbatyrov málimdedi.
Onyń aıtýynsha, jas jigitter áskerı komısarıattarǵa baryp áýre bolmaıdy. Sonymen qatar jańa avtomattyq júıe búdjettiń 1 mıllıard teńgeden astam qarajatyn únemdeıdi.
- Avtomatty júıede 17 jastan asqan azamattar týraly barlyq aqparat bolady. Iaǵnı olardyń otbasy, qaı jerde jumys isteıtini men medısınalyq kartasyn kórýge múmkindik bar. Avtomattyq júıe, tipti ata-anasynyń qamqorlyǵynsyz qalǵandar nemese múgedektigi bar uldar boıynsha da aqparatty qamtymaq. Áskerı komısarıatty ótetin kezde suralatyn qujattardyń tolyqqandy toptamasy osy júıede bolady, - dedi Sıfrlyq úkimetti qoldaý ortalyǵynyń koordınatory Rústem Ibatyrov.