Jeti óńirde qar jaýyp, kóktaıǵaq, tuman bolady
17 aqpanda elimizdiń 7 oblysynda qolaısyz aýa raıyna baılanysty eskertý jarıalandy, dep habarlaıdy Almaty-akshamy.kz "Qazgıdromet" RMK-ǵa silteme jasaı otyryp.
Ulytaý oblysynyń soltústiginde tuman túsedi, túnde oblystyń batysynda, kúndiz basym bóliginde boran bolady dep boljanady. Oblystyń ońtústiginde shyǵystan, ońtústik-shyǵystan 18 m/s jyldamdyqpen jel soǵady. Jezqazǵanda túnde tuman túsedi dep kútiledi.
Kúndiz Aqmola oblysynyń ońtústiginde, batysynda jaıaý burqasyn júredi dep boljanady. Túnde jáne tańerteń oblystyń batysynda, soltústiginde tuman túsedi. Kúndiz oblystyń soltústik-shyǵysynda ońtústik-shyǵystan soqqan jeldiń ekpini 15-20 m/s quraıdy.
Qyzylorda oblysynyń soltústiginde, ortalyǵynda kóktaıǵaq, tuman bolady dep kútiledi. Kúndiz oblystyń ortalyǵynda batystan soqqan jeldiń ekpini 15-20 m/s quraıdy. Qyzylordada kóktaıǵaq bolady dep kútiledi.
Qaraǵandy oblysynyń soltústiginde tuman túsedi, kúndiz oblystyń batysynda jaıaý burqasyn júredi dep kútiledi. Oblystyń ońtústiginde shyǵystan, ońtústik-shyǵystan soqqan jeldiń ekpini 18 m/s jetedi. Qaraǵandyda túnde tuman bolýy yqtımal.
Batys Qazaqstan oblysynyń ońtústiginde, soltústiginde kóktaıǵaq bolady dep kútiledi. Oblystyń batysynda, ońtústiginde jaıaý burqasyn júredi dep boljanady. Oblystyń batysynda, ońtústiginde soltústik-batystan ońtústik-batysqa oıysa soqqan jeldiń ekpini 15-20 m/s bolady. Oral qalasynda kóktaıǵaq bolýy yqtımal.
Jambyl oblysynyń taýly aýdandarynda kúndiz qatty jaýyn-shashyn (jańbyr, qar) bolady dep kútiledi. Oblystyń batysynda, ońtústiginde, soltústiginde, taýly aımaqtarynda tuman túsip, kóktaıǵaq bolady. Oblystyń ońtústik-batysynda, soltústik-shyǵysynda, taýly aýdandarynda soltústik-shyǵystan ońtústik-batysqa oıysa soqqan jeldiń ekpini 15-20 m/s, keı tusta 23 m/s jetedi. Tarazda tuman, kóktaıǵaq bolady dep kútiledi. Kúndiz soltústik-shyǵystan ońtústik-batysqa oıysa soqqan jeldiń ekpini 15-20 m/s, keı tusta 23 m/s jetedi.
Kúndiz Qostanaı oblysynyń basym bóliginde qar jaýady. Oblystyń batysynda, ońtústiginde, soltústiginde jaıaý burqasyn júredi. Túnde jáne tańerteń oblystyń shyǵysynda tuman bolady. Kúndiz oblystyń soltústiginde, ońtústiginde, shyǵysynda ońtústik shyǵystan, shyǵystan soqqan jeldiń ekpini 15-20 m/s quraıdy.