Eldiń basym bóliginde jaýyn-shashyndy aýa raıy kútilmeıdi
Sınoptıkter 16 jeltoqsan, beısenbi kúni, el aýmaǵynda aýa raıy qandaı bolatynyn boljady, dep habarlaıdy Almaty-akshamy.kz QazAqparat saıtyna silteme jasap.
Qazaqstan terıtorıasynyń basym bóligine antısıklon yqpal etedi, sondyqtan jaýyn-shashyn jaýmaıdy.
Tek elimizdiń soltústigi men shyǵysynda Soltústik-batys sıklonnyń áserinen qar jaýady, jaıaý burqasyn kóteriledi.
Elimizdiń keı jerlerde jel kúsheıip, tuman túsedi. Aqmola oblysynyń soltústiginde, shyǵysynda jel ekpini 15-20 m/s deıin kúsheıedi.
Kúndiz Soltústik Qazaqstan oblysynyń soltústiginde, shyǵysynda jaıaý burqasyn, batysynda jeldiń kúshi 15-20 m/s jetedi.
Pavlodar oblysynyń ońtústiginde, batysynda jaıaý burqasyn soǵady, jel jyldamdyǵy - 15-20 m/s shamasynda.
Qostanaı oblysynyń soltústiginde jaıaý burqasyn soǵyp, sekýndyna 15-20 metr jyldamdyqpen jel turady. Ońtústiginde tuman túsedi.
Shyǵys Qazaqstan oblysynyń soltústiginde jaıaý burqasyn men tuman bolady, batysynda jel jyldamdyǵy - 15-20 m/s.
Batys Qazaqstan oblysynyń soltústiginde, Atyraý oblysynyń batysynda, Qyzylorda oblysynyń ońtústiginde, Jambyl oblysynyń soltústiginde, taýly aımaqtarda, túnde jáne tańerteń Túrkistan, Almaty oblystarynyń ońtústiginde, taý bókterinde tuman túsedi.
Túnde Atyraý oblysynyń shyǵysynda jel ekpini 15-20 m/s jetedi. Mańǵystaý oblysynyń batysynda, ortalyǵynda jel 15-20 m/s deıin kúsheıedi, ortalyǵynda shańdy daýyl bolady.