Muǵalimder de qajetti daıyndyqtan ótedi , dep habarlaıdy Almaty-akshamy.kz
«Samuryq-Qazyna» ınklúzıany qoldaý kabınetteri 150 erekshe balaǵa bilim alý múmkindigin usynady.
Qor qoldaýymen 1 qyrkúıekke qaraı Astananyń 5 mektebinde ınklúzıany qoldaý kabınetteri ashylady. Tıisti synyptar «Charity Samruk Marathon 2024» qaıyrymdylyq marafonynda jınalǵan qarajatqa jabdyqtalady.
Joba Astana qalasynyń bes oqý ordasyn, ıaǵnı №22, №36, №59, №76, №97 mektepterin qamtyp, 150-ge jýyq balaǵa qajetti jaǵdaıdy jasaýǵa múmkindik beredi. Dál osy mektepterde erekshe qajettiligi bar balalardyń sany kóp jáne qural-jabdyq pen ádistemelik járdemge muqtaj. Synyptar bolsa, tórt bólek bólmeden turady: logoped, defektolog, psıholog kabınetteri jáne qysh sheberhanasy. Sonymen qatar, ár mektepte jeke emdik dene shynyqtyrý kabıneti bolady. Muǵalimder de qajetti daıyndyqtan ótedi.
Búgin, 5 shilde, «Samruk-Kazyna Trust» KQ bas dırektory Alfıa Adıeva barlyq mektepti aralap, jóndeý jumystarynyń jáne basqa da uıymdastyrý-ázirlik jumystarynyń barysymen arnaıy tanysty.
«Bul jobany júzege asyrý Qazaqstandaǵy ınklúzıvti bilim berýdi damytýdaǵy mańyzdy qadam bolmaq. Jańa synyptardyń arqasynda qandaı da bir ereksheligine qaramastan barlyq balaǵa oqýǵa birdeı jaǵdaı jasalady. Osylaısha, Qor Bilim basqarmasymen birlesip, ınklúzıvti qoldaý kabınetteri úshin ınfraqurylymnyń jańa úlgisin ázirledi. Mysaly, olardyń aýmaǵy 60-70 sharshy metrden kem bolmaýy kerek. Mektepterde jóndeý jáne basqa da synyptardy ashýǵa daıyndyq jumystary bastalyp ketti», - dep atap ótti «Samruk-Kazyna Trust» jetekshisi.
Eske sala ketsek, 1 maýsymda ótken «Charity Samruk Marathon 2024» qaıyrymdylyq marafonyna 2 myńnan astam adam qatysyp, 125 mıllıon teńge jınaldy.