Fransıa astanasy Parıjde quny mıllıondaǵan eýro turatyn áshekeıler qoldy boldy, dep habarlaıdy Almaty-akshamy.kz.
24.kz málimeti boıynsha Parıjde shvesarıalyq brend saǵattary men zergerlik zattar satatyn dúken shabýylǵa ushyrady. Qala prokýratýrasynyń málimdeýinshe, qylmysty uıymdasqan top jasaǵan. Urylar jalpy quny 15 mıllıon eýro bolatyn zattardy alyp ketken. Tergeý amaldary bastaldy. Polısıa 2 er adam men 1 áıeldi izdestirip jatyr. Aldyn ala málimet boıynsha, olar Ońtústik Afrıka azamattary bolýy múmkin. Qaskóıler dúkenge tapanshamen kirgen, biraq eshkim zardap shekpegen.