Mańǵystaý oblysy Qaraqıa aýdanynyń sportshysy Gaýhar Janǵazy 15 jasynda álem chempıony atandy, dep habarlaıdy Almaty-akshamy.kz QazAqparatqa silteme jasap.
16-18 qazanda Túrkıanyń Antalá qalasynda ótken qol kúresinen álem chempıonaty ótti.
«Álem chempıonatyna 54 eldiń úzdik sportshylary qatysyp, Gaýhardyń eńbegi aqtalyp, chempıon boldy. Endigi kezekte Gaýhardy eresekter arasyndaǵy jarystarǵa daıyndap, aldaǵy ýaqytta sol jarystarda úzdik nátıje kórsetý úshin jumystanatyn bolamyz» - deıdi sportshynyń bapkeri Mýstafa Narymbaev.
Gaýhar Janǵazynyń sportpen aınalysyp júrgenine 7-8 jyldaı ýaqyt boldy. Ol osy álem chempıonatyna 1 jyl daıyndalǵan. Tyńǵylyqty jattyǵýdyń arqasynda álem chempıony atandy.
«Álem chempıonaty ózimiz kútkendeı joǵary deńgeıde ótti. Alǵa qoıǵan maqsatyma jetkenime qýanyshtymyn», - deıdi Gaýhar Janǵazy.