Almatyda qalyń qar jaýady.
Qazaqstandyq sınoptıkter seısenbige arnalǵan aýa raıy boljamyn aıtty, dep habarlaıdy Almaty-akshamy.kz.
Atmosferalyq fronttarǵa baılanysty Qazaqstannyń basym bóliginde turaqsyz aýa raıy saqtalady. Elimizdiń soltústigi men shyǵysynda qalyń qar jaýady.
Almatyda qalyń qar jaýady. 15-16 aqpanda qalada tuman túsedi. Joldarǵa qar jaýyp, kóktaıǵaq bolady. Almaty aýmaǵyna irgeles taýlarda da qar jaýady dep kútilip otyr.
«Almaty oblysynyń soltústiginde jáne taýly aýdandarynda jaıaý burqasyn kóteriledi. Oblystyń soltústiginde, ońtústiginde, shyǵysynda tuman, kóktaıǵaq, joldarda qarly qatqaq, oblystyń soltústiginde jáne shyǵysynda jeldiń ekpini - 15-20 m/s», - delingen «Qazgıdromet» sınoptıkteriniń habarlamasynda.