Segiz óńirde tuman jáne qatty jel bolady
14 naýryzda elimizdiń segiz oblysynda qolaısyz aýa raıyna baılanysty eskertý jarıalandy, dep habarlaıdy Almaty-akshamy.kz "Qazgıdromet" RMK-ǵa silteme jasaı otyryp.
Aqmola oblysynyń soltústiginde, batysynda, ońtústiginde tuman, kóktaıǵaq bolady dep kútiledi. Kúndiz oblystyń soltústiginde, batysynda ońtústik shyǵysynan, ońtústikten soqqan jeldiń ekpini 15-20 m/s quraıdy.
Qyzylorda oblysynyń ortalyǵynda, soltústiginde tuman túsedi dep boljanady.
Atyraý oblysynyń ońtústiginde, shyǵysynda shańdy daýyl soǵýy yqtımal. Oblystyń shyǵysynda, ońtústiginde, soltústiginde soltústikten, soltústik shyǵystan 9-14 m/s, keı tusta 15-20 m/s jyldamdyqpen jel soǵady. Atyraýda kúndiz shańdy daýyl bolady dep kútiledi. Kúndiz soltústikten, soltústik shyǵystan soqqan jeldiń ekpini - 15-18 m/s.
Kúndiz Aqtóbe oblysynyń basym bóliginde jaýyn-shashyn (jańbyr, qar) bolady dep boljanady. Óńirdiń soltústiginde kóktaıǵaq bolýy yqtımal. Kúndiz oblystyń batysynda, ońtústiginde ońtústik shyǵystan soltústik batysqa oıysa soqqan jeldiń ekpini 15-20 m/s quraıdy. Kúndiz synap baǵany -2+3, oblystyń ońtústiginde +10+15 gradýsty kórsetedi. Aqtóbede kúndiz jaýyn-shashyndy (jańbyr, qar), kóktaıǵaq bolady dep kútiledi. Aýa temperatýrasy +1+3 gradýs jyly.
Túrkistan oblysynyń taýly aımaqtarynda, soltústiginde tuman bolady dep kútiledi.
Túnde jáne tańerteń Batys Qazaqstan oblysynyń soltústiginde, shyǵysynda tuman, kóktaıǵaq bolady dep boljanady. Kúndiz oblystyń ońtústik-shyǵysynda soltústik batystan, soltústikten 15-20 m/s jyldamdyqpen jel soǵady. Oral qalasynda túnde jáne tańerteń tuman, kóktaıǵaq bolady dep kútiledi.
Túnde Mańǵystaý oblysynyń ortalyǵynda, kúndiz batysynda tuman bolady. Kúndiz oblystyń soltústiginde, shyǵysynda shańdy daýyl turady dep kútiledi. Oblystyń soltústigi, soltústik shyǵysynda soltústikten, shyǵystan soqqan jeldiń ekpini 15-20 m/s deıin jetedi.
Kúndiz Soltústik Qazaqstan oblysynyń soltústiginde, batysynda, ońtústiginde jaýyn-shashyn (jańbyr, qar), kóktaıǵaq bolyp, jaıaý burqasyn júredi dep kútiledi. Túnde jáne tańerteń oblystyń ońtústiginde tuman bolady. Oblystyń ońtústiginde, soltústiginde, batysynda ońtústikten, ońtústik-batystan soqqan jeldiń ekpini 15-20 m/s bolady, kúndiz synap baǵany 0+5 gradýsty kórsetedi. Petropavlda kúndiz jaýyn-shashyndy (jańbyr, qar), kóktaıǵaq bolyp, jaıaý burqasyn júredi. Kúndiz ońtústikten, ońtústik batys tan soqqan jeldiń ekpini 15-20 m/s quraıdy. aýa temperatýrasy kúndiz +2+4 gradýs jyly bolady dep kútiledi.