Jambyl oblysynyń polıseıleri 2009 jyldan beri halyqaralyq izdeýde bolǵan 49 jastaǵy Ó. esimdi er adamdy ustady, dep habarlaıdy almaty-akshamy.kz.
Polısıa departamenti qyzmetkerleriniń málimdeýinshe, oǵan osydan 14 jyl buryn Taraz qalasynda tonaý jáne buzaqylyq derekterin jasaǵany úshin izdeý jarıalanǵan. Jedel málimetterge sáıkes, ol birneshe jyldar boıy shet memleketterdiń aýmaǵynda boı tasalaǵan.
"7 qarasha kúni jambyldyq polıseılermen arnaıy operasıa júrgizý barysynda izdeýdegi azamat Almaty qalasyndaǵy fıtnes zaldardyń birinde ustaldy. Kúdiktiniń bet-beınesi óziniń týǵan aǵasyna uqsaǵandyqtan, polısıa qyzmetkerlerine ol ózin baýyrynyń esimimen tanystyrǵan", -deıdi Jambyl oblysy PD baspasóz qyzmetiniń habarlamasynda.
Polıseıler anyqtaý jumystaryn júrgizý úshin onyń týǵan aǵasyn Jambyl oblysynyń polısıa departamentine jetkizgen. Aǵaıyndy er adamdardyń saýsaq izderi alynyp, jeke bastary tolyq anyqtalǵan soń izdeýdegi azamat Almaty qalasy polısıa departamentiniń ýaqytsha ustaý ızolátoryna qamaqqa alyndy.