5 qazan tańynda bıtkoın baǵasy tarıhtaǵy eń joǵary deńgeıge kóterildi. Krıptovalúta baǵasy shamamen 2,7%-ǵa ósip, 125 245,57 dollar deńgeıine jetti, dep habarlaıdy Aqshamnews.kz tilshisi.
Buǵan deıingi rekord bıyl tamyz aıynyń ortasynda tirkelgen bolatyn — 124 480 dollar. Ol kezde bıtkoınniń qymbattaýyna AQSH prezıdenti Donald Tramp ákimshiliginiń sıfrlyq aktıvterge qatysty jumsaq retteý saıasaty jáne ınstıtýsıonaldyq ınvestorlardyń qyzyǵýshylyǵy áser etken edi.
Sarapshylardyń aıtýynsha, bıtkoın sońǵy segiz saýda kúni qatarynan ósim kórsetip, oǵan AQSH qor naryǵyndaǵy oń dınamıka men bıtkoın-ETF-terge kapıtal quıylýy sebep bolǵan.
Sonymen qatar, AQSH dollary negizgi álemdik valútalarǵa qatysty álsirep, birneshe aptadaǵy eń tómen kórsetkishke tústi. Bul jaǵdaıǵa AQSH úkimetiniń jumysy ýaqytsha toqtaýy múmkin degen qaýip jáne negizgi ekonomıkalyq derekterdiń jarıalanýynyń keıinge shegerilýi yqpal etken.
Aıta keteıik, AQSH-taǵy saılaýǵa deıingi bıtkoınniń tarıhı maksımýmy 70 184 dollar (shamamen 34 mln teńge) bolǵan edi.