"Qazgıdromet" Qazaqstannyń aımaqtarynda 2022 jylǵy 12 sáýirde bolatyn erekshe meteorologıalyq qubylystarǵa boljaý konsýltasıasyn jarıalady, dep habarlaıdy Almaty-akshamy.kz.
QR terıtorıasynyń basym bóliginde atmosferalyq frontaldy bólikterdiń áserinen jańbyr jaýady, ońtústik jartysynda qatty jańbyr bolyp, naızaǵaı oınaıdy. Tek elimizdiń ońtústik-batysynda, soltústiginde, shyǵysynda joǵary qysym alqaby áserinen jaýyn-shashynsyz aýa raıy kútiledi. Respýblıka boıynsha jeldiń kúsheıýi, ońtústikte daýyl, soltústik-batysynda tuman, ońtústik-batysynda shańdy daýyl bolady.
Almaty oblysynyń kúndiz shyǵysynda, taýly jáne taý bókterli aýdandarynda naızaǵaı oınaıdy, oblystyń ońtústigi jáne shyǵysynda jel 18-23 m/s deıin kúsheıedi. Túrkistan oblysynyń batysynda, taýly jáne taý bókterli aımaqtarynda naızaǵaı oınap, daýyl turady, naızaǵaı kezinde jeldiń ekpini 15-20 m/s deıin kúsheıedi.
Jambyl oblysynyń ońtústik-batysynda, soltústik-shyǵysynda, taýly aımaqtarynda naızaǵaı jarqyldaıdy, jeldiń ekpini 15-20 m/s, keı jerlerde 25 m/s deıin kúsheıedi. Aqmola oblysynyń ońtústik-batysynda naızaǵaı oınaıdy, jeldiń ekpini 15-20m/s, oblystyń soltústiginde, shyǵysynda 23-28 m/s deıin kúsheıedi. Qaraǵandy oblysynyń batysynda, ońtústiginde naızaǵaı oınaıdy, túnde jeldiń ekpini 15-20 m/s, kúndiz oblystyń basym bóliginde 15-20 m/s, keı jerlerde 25 m/s deıin kúsheıedi.
Qyzylorda oblysynyń ortalyǵynda, ońtústiginde túnde jáne tańerteń naızaǵaı oınap, daýyl soǵady, oblystyń ortalyǵynda jeldiń ekpini 15-20 m/s deıin kúsheıedi. Soltústik Qazaqstan oblysynyń túnde ońtústik-batysynda, kúndiz basym bóliginde jeldiń ekpini 15-20 m/s, keı jerlerde 25 m/s deıin kúsheıedi. Kúndiz Atyraý oblysynyń batysynda, Mańǵystaý oblysynyń batysynda, shyǵysynda, ońtústiginde naızaǵaı oınaıdy, jeldiń jyldamdyǵy 15-20 m/s deıin kúsheıedi.
Aqtóbe oblysynyń ońtústiginde, ortalyǵynda tuman túsedi. Qostanaı oblysynyń ońtústiginde naızaǵaı oınap, oblystyń ońtústiginde, shyǵysynda jeldiń ekpini 15-20 m/s deıin kúsheıedi. Kúndiz Batys Qazaqstan oblysynyń batysynda, ońtústiginde naızaǵaı oınaıdy. Shyǵys Qazaqstan oblysynyń ońtústik-batysynda, ońtústiginde, kúndiz Pavlodar oblysynyń ortalyǵynda jeldiń ekpini 15-20 m/s deıin kúsheıedi.