Saılaý naýqanynyń nátıjeleri
Prezıdenttikke kandıdat Saltanat Tursynbekova saılaýaldyndaǵy úgit-nasıhat naýqanynda 12 oblysta boldy. Ol Astana, Shymkent jáne Almaty qalalarynda, Aqmola, Atyraý, Shyǵys Qazaqstan, Qaraǵandy, Qostanaı, Mańǵystaý, Pavlodar, Soltústik Qazaqstan, Túrkistan oblystarynda turǵyndarmen, halyqtyń ártúrli toptarymen kezdesý ótkizdi.
ASTANA
21 qazanda kandıdattyń shtabynda uıymdastyrý komıtetiniń otyrysy ótti. Qatysýshylar daıyndyq jumysyndaǵy jaǵdaıdy, sondaı-aq aldaǵy josparlardy talqylady.
22 qazanda Respýblıkalyq shtabtyń resmı ashylýy ótti. Respýblıkalyq shtabqa beınebaılanys arqyly aımaqtyq bólimsheler qosyldy. Kezdesý barysynda úgit-nasıhat jumystaryn júrgizý máseleleri, aldaǵy josparlar, sondaı-aq kandıdattyń saılaýaldy baǵdarlamasy talqylandy.
23 qazanda kandıdattyń ózi Astana qalasynyń kóshelerine óziniń alǵashqy úgit-nasıhat plakatyn japsyrý úshin shyqqan bolatyn. Osylaısha, el astanasy men óńirlerinde shtab komandalary iske qosyldy.
24 qazanda kandıdat quqyq qorǵaýshylarmen kezdesti. Saltanat Tursynbekova nashaqorlyq, qumar oıyndar men maskúnemdik, turmystyq zorlyq-zombylyq pen sybaılas jemqorlyq sıaqty máselelerdiń keń etek jaıýyna jol berýge bolmaıtynyn aıtty.
25 qazanda ol Respýblıka kúnine arnalǵan chellendj aıasynda qolyna elimizdiń týyn kóterip, júgirdi.
QARAǴANDY
26 qazanda kandıdat saılaýaldy úgit-nasıhat jumystary aıasynda aımaqtardy aralaýdy bastady. Alǵashqy óńir Qaraǵandy oblysy boldy.
Qaraǵandyda kandıdat quqyq qorǵaýshylarmen, zańgerlermen, túrli úkimettik emes uıymdardyń ókilderimen kezdesti. Kezdesý barysynda kandıdat óziniń telefon nómirin kópshilikke jarıalady. Halyq múgedekterdiń máselesine, saıası ózgerister qajettigine shaǵymdanyp, onyń ólim jazasyna degen kózqarasyn surady.
Odan keıin úmitker Turmystyq zorlyq-zombylyq qurbandaryna kómek kórsetý ortalyǵynda boldy.
KÓKSHETAÝ
27 qazan kúni quqyq qorǵaýshy kópsalaly oblystyq aýrýhanada bolyp, dárigerler men medısına qyzmetkerleriniń máselelerin tyńdady. Medısına qyzmetkerlerimen kezdesýde Tursynbekova dárigerlerdiń qatelikterin dekrımınızasıalaý týraly aıtty. Medısınalyq mekemelerdi qarjylandyrýdyń azdyǵy da dárigerlerdi alańdatyp otyr.
Sol kúni prezıdenttikke úmitker Saltanat Tursynbekova «Shans» daǵdarys ortalyǵynda boldy. Quqyq qorǵaýshy áıelderdi úmitin úzbeýge jáne berilmeýge – ózderi jáne balalary úshin sońyna deıin kúresýge shaqyrdy.
ASTANA
28 qazanda Saltanat Tursynbekova elordada kóp balaly analarmen kezdesti. Kóp balaly otbasylardyń bárine belgili qıyn qarjylyq jaǵdaı, baspana máselesi jáne balalardy oqytýdy uıymdastyrý, qaryz júktemesi máselelerin kóterdi.
29 qazanda Tursynbekova jekemenshik janýarlarǵa arnalǵan panahanada bolyp, janýarlarǵa qamqorlyq jasaý kerektigin aıtty.
Munda myna máseleler kóterildi:
- Janýarlarǵa jaýapkershilikpen qaraý týraly 2021 jyly qabyldanǵan zań jumys istemeıdi;
- Úısiz janýarlarǵa arnalǵan qoǵamdyq pıtomnıkter is júzinde joq;
- Janýarlarǵa janashyrlyqpen qaraý;
- Qarjylandyrýdyń tapshylyǵy;
- Janýarlarǵa qaıyrymdylyqtyń jetkiliksizdigi.
SHYMKENT
Úmitker 31 qazanda Shymkentte tigin fabrıkasynyń 250 jumysshysymen áńgimelesip, jumys isteıtin áıelderdiń zeınet jasyn tómendetý máselesin kóterdi. Jumysshylar tabys teńsizdigine shaǵymdandy.
Sodan keıin ol qalalyq advokattar alqasymen kezdesti. Advokattar atyshýly isterdi jarıalaıtyn jýrnalıserdiń ádiletsiz sottary men qysymyna narazy. Kandıdat óz baǵdarlamasynda birinshi baǵyt retinde sot-quqyqtyq reformany erekshe atap ótkenin eske saldy.
Keıinirek úmitker 2017 jyly óziniń «Turmystyq zorlyq-zombylyqsyz Qazaqstan» jobasynyń arqasynda qurylǵan otbasyn qoldaý qyzmetine bardy.
TÚRKİSTAN
Tursynbekova 1 qarashada Túrkistan oblysynda boldy. Munda ol eń aldymen 1100-ge jýyq adam eńbek etetin Kentaý transformator zaýytynda boldy. Halyq baǵanyń ósýine, tabystyń tómendigine shaǵymdanyp, úmitkerge zeınet jasyn tómendetý týraly usynysyna alǵystaryn bildirdi.
Úmitker sol kúni Túrkistan qalasyndaǵy «Shapaǵat» múmkindigi sheksiz adamdar qoǵamdastyǵynyń «Ǵızzat» motıvasıalyq ortalyǵynda boldy. Turǵyndar jumysqa ornalasýdaǵy qıyndyqtarǵa, járdemaqylardyń tómendigine, ońaltý mashınalaryn patentteı almaı júrgenderine shaǵymdandy.
ALMATY
3-6 qarasha aralyǵynda Saltanat Tursynbekova Almatyda túrli kezdesýler ótkizdi: tutynýshylardyń quqyqtaryn, zıatkerlik menshikti qorǵaý máseleleri boıynsha azamattarmen, qalalyq quqyq qorǵaýshylarmen jáne qoǵamdyq pikir kóshbasshylarymen, Qazaq ulttyq qyzdar pedagogıkalyq ýnıversıtetiniń stýdentterimen, sondaı-aq «Rodnık» daǵdarys ortalyǵynyń basshysymen kezdesti.
Sonymen qatar, úmitker «Táýelsizdik tańy» monýmentine gúl shoqtaryn qoıyp, Jeltoqsan oqıǵasy qurbandaryn eske aldy.
QOSTANAI
8 qarashada Saltanat Tursynbekova Qostanaı qalasynda birneshe kezdesý ótkizdi. Eń aldymen №4 emhanaǵa bardy. Emhana qyzmetkerleri jalaqynyń azdyǵy men kadr tapshylyǵy máselelerin ortaǵa salsa, emdelýshiler dári-dármek baǵasynyń qymbattaýyna jáne aýrýhanaǵa jazylýdaǵy qıyndyqtarǵa shaǵymdandy.
Odan keıin kandıdat quqyq qorǵaýshylarmen jáne zańgerlermen kezdesý ótkizdi. Onda ol eldegi basshylyq laýazymdardaǵy áıelder ókildiginiń tómendigi týraly, sondaı-aq partıalyq tizimde áıelderdiń nemese jastardyń kem degende 30% bolýy kerek degen kvotamen kelispeýshilik týraly aıtty.
AQTAÝ
Tursynbekova 13 qarasha kúni Aqtaý qalasyndaǵy jalǵyzbasty analarmen kezdesý ótkizdi. Quqyq qorǵaýshy onda er-azamattardyń alımentten jaltarý máselesin kóterdi. Kandıdat aıtqandaı, jalǵyzbasty analar «alıment surap, burynǵy kúıeýi men birge turatyn adamdardyń sońynan júgirmeýi» kerek.
Sol kúni úmitker Yessenov University oqytýshylarymen, stýdentterimen jáne túlekterimen kezdesip, aýyl jastaryna jaǵdaı jasaý qajettigin aıtty.
ATYRAÝ
14 qarashada Saltanat Tursynbekova Qazaqstandaǵy ana men bala ólimi taqyrybyna arnalǵan jıyn ótkizdi. Kezdesý Atyraýda ótti.
Kandıdat ana men bala óliminiń deńgeıi elimizdiń búkil medısınasynyń damýyn sıpattaıtyn mańyzdy kórsetkishterdiń biri ekenin atap ótti. «Árbir áıel men sábıdiń ómiri úshin kúresý kerek», dep esepteıdi Tursynbekova.
ÓSKEMEN
15 qarashada Saltanat Tursynbekova elimizdiń shyǵysynda boldy.
Alǵashqy kezdesý jergilikti ekologıa salasynyń belsendilermen ótti. Tursynbekovanyń aıtýynsha, aýanyń lastanýy boıynsha Óskemen, Rıdder jáne Zyrán qalalary árqashan aldyńǵy qatarda turady. Atmosferalyq aýany lastaýdyń negizgi kózi 370-ten astam kásiporynnan shyǵatyn qaldyqtar bolyp tabylady.
Keıin Tursynbekova quqyq qorǵaýshylarmen kezdesip, olarmen mekteptegi býllıng taqyrybyn talqylady. Qazaqstandaǵy IýNFPA málimeti boıynsha, elde balalardyń 63%-y zorlyq-zombylyq pen kemsitýshilikke kýá bolǵan, 44%-y qurbany bolǵan jáne 24%-y mektepte basqa balalarǵa qatysty zorlyq-zombylyq pen kemsitýshilik áreketterin jasaǵan.
PAVLODAR
16 qarashada úmitker esirtki tutynýshylary men nashaqorlarǵa arnalǵan ortalyqqa bardy. Quqyq qorǵaýshy qarapaıym mektep oqýshylarynyń esirtki «jetkizýshi» bolyp jumys isteıtinin aıyptady.
Úmitkerdiń aıtýynsha, táýeldilikti jeńgen adamdardyń qoǵamdastyǵyn qurý mańyzdy. Ákimdikter olarǵa jan-jaqty qoldaý kórsetip, kómek berýi kerek. Qoǵamnyń belsendi ókilderi qylmysker men nashaqordy ajyratý úshin quqyq qorǵaý organdarymen birlesip jumys isteý kerek.
PETROPAVL
Úmitker 17 qarashada Sábıt Muqanov atyndaǵy oblystyq ámbebap ǵylymı kitaphanasynda boldy, onda sybaılas jemqorlyqpen kúres jáne bılikti desakralızasıalaý qajettigi týraly máseleler kóterildi. Odan keıin Ivan Zenchenko atyndaǵy sút zaýytynyń jumysshylarymen áńgimelesip, áıelder arasyndaǵy kásipkerlikti damytý máseleleri talqylandy.
Elimizdiń 12 oblysyn aralaǵan Saltanat Tursynbekova Shtab ujymymen birge 16 myń shaqyrymnan astam joldy júrip ótti.