Eldiń basym bóliginde tótenshe órt qaýipi kútiledi.
Qazgıdromet el aýmaǵynda 12 maýsymda bolatyn qaýipti meteorologıalyq qubylystarǵa boljam jasady, dep habarlaıdy Almaty-akshamy.kz.
Joǵary qysym aýmaǵy yqpalynyń áserinen elimizdiń basym bóliginde jaýyn-shashynsyz aýa raıy kútiledi, elimizdiń soltústiginde, qıyr shyǵysynda, ońtústik-shyǵysynda jáne ońtústiginde frontaldy bólimderdiń ótýine baılanysty, naızaǵaı oınap, ótkinshi jańbyr jaýady, burshaq túsip, daýyl bolýy yqtımal. Respýblıka boıynsha jeldiń kúsheıýi saqtalýda, ońtústikte, batysta, ortalyqta shańdy daýyl, soltústikte – tuman kútiledi.
«Atyraý, Aqtóbe oblystarynyń basym bóliginde, Mańǵystaý, Qostanaı oblystarynyń ońtústiginde qatty ystyq bolady.
Túrkistan, Aqtóbe, Qyzylorda, Mańǵystaý, Jambyl, Abaı, Shyǵys Qazaqstan, Aqmola jáne Jetisý oblystarynda, Atyraý oblysynyń shyǵysynda, ońtústiginde, Batys Qazaqstan oblysynyń ońtústiginde, Qostanaı oblysynyń ońtústik jartysynda, Pavlodar oblysynyń soltústiginde, Ulytaý oblysynyń ortalyǵynda, Qaraǵandy oblysynyń ońtústiginde, Almaty oblysynyń soltústiginde jáne ortalyǵynda tótenshe órt qaýipi kútiledi», - dep boljaıdy sınoptıkter.