Túrkıada jer silkinisine baılanysty qylmystardy tergeý bólimderi ashyldy
Túrkıanyń 10 provınsıasynda Ádilet mınıstrliginiń tapsyrmasymen jer silkinisine baılanysty qylmystardy tergeý bólimderi ashyldy, dep habarlaıdy Almaty-akshamy.kz Anadolý agenttigine silteme jasap.
Túrkıanyń vıse-prezıdenti Fýat Oktaıdyń aıtýynsha, jer silkinisi saldarynan qıraǵan ǵımarattar úshin 131 kúdikti anyqtaldy, onyń bireýi qamaýǵa alyndy, taǵy 113 adamdy qamaýǵa alý týraly order berildi.
Eldiń qorshaǵan orta, ýrbanızasıa jáne klımattyń ózgerýi mınıstri Murat Kýrým 10 provınsıadaǵy 171 882 ǵımaratqa tekserý júrgizilgenin aıtty.
«Biz 24 921 ǵımaratta barlyǵy 120 940 qurylystyń qulaǵanyn, shuǵyl buzýdy qajet etetinin nemese qatty zaqymdalǵanyn anyqtadyq», - dedi M. Kýrým.
Oǵan qosa, 10 provınsıada 122 279 ǵımarat shamaly zaqymdanǵan nemese múlde zaqym kelmegen.