Respýblıka boıynsha jel kúsheıedi dep kútilýde.
"Qazgıdromet" Qazaqstan aımaqtarynda 2022 jylǵy 11 sáýirde bolatyn erekshe meteorologıalyq qubylystarǵa boljaý konsýltasıasyn jarıalady, dep habarlaıdy Almaty-akshamy.kz.
Aýqymdy antısıklon QR terıtorıasynyń basym bóliginde jyly, jaýyn-shashynsyz aýa raıyn qalyptastyratyn bolady. Tek elimizdiń ońtústigi men soltústik-batysynda atmosferalyq frontaldy bólikterdiń áserinen jańbyr jaýady, naızaǵaı kútiledi. Respýblıka boıynsha jel kúsheıedi, ońtústikte daýyl soǵyp, batysta tuman bolady.
Aqmola, Soltústik Qazaqstan oblystarynyń túnde soltústigi men ońtústik-batysynda, kúndiz basym bóliginde jeldiń ekpini 15-20, keı jerlerde 23 m/s deıin kúsheıedi dep kútilýde.
Kúndiz Almaty oblysynyń soltústigi men shyǵysynda, Pavlodar oblysynyń ońtústiginde, Shyǵys Qazaqstan oblysynyń batysynda jel 15-20 m/s deıin kúsheıedi.
Kúndiz Túrkistan oblysynyń taýly jáne taý bókterli aýdandarynda naızaǵaı, daýyl, taýly, taý bókterli aýdandarynda jeldiń 15-20, ekpini 23 m/s kúsheıedi. Kúndiz Mańǵystaý oblysynyń ońtústiginde naızaǵaı jarqyldaıdy.
Qostanaı oblysynyń túnde ońtústiginde, kúndiz basym bóliginde jel 15-20 m/s kúsheıýi, ońtústiginde tuman túsip, naızaǵaı oınaıdy. Qaraǵandy oblysynyń batysynda naızaǵaı oınasa, shyǵysy men ortalyǵynda jeldiń ekpini 15-20, keı jerlerde 23-28 m/s deıin kúsheıedi.
Qyzylorda oblysynyń ortalyǵynda naızaǵaı oınap, daýyl turady, ortalyǵy men ońtústiginde jel 15-20 m/s deıin kúsheıedi.
Jambyl oblysynyń soltústik-batysynda, batysy men taýly aýdandarynda jeldiń ekpini 15-20, keı jerlerde 23 m/s deıin kúsheıedi, kúndiz taýly aýdandarynda naızaǵaı oınaıdy.
Batys Qazaqstan oblysynyń soltústiginde, túnde Atyraý oblysynyń batysynda tuman túsedi.