Sınoptıkter juma kúnine arnalǵan aýa raıy boljamyn usyndy
Qazaqstan aýmaǵynyń basym bóligi ońtústik sıklonnyń yqpalynda bolady. Osyǵan baılanysty 11 naýryzda jaýyn-shashyn jaýady, tuman túsip, kóktaıǵaq bolady. Jel kúsheıedi, dep habarlaıdy Almaty-akshamy.kz «Qazgıdrometke» silteme jasap.
Tek eldiń qıyr soltústik óńirleri sýyq antısıklonnyń yqpalynda bolǵandyqtan, jaýyn-shashyn bolmaıdy.
Aqmola oblysynyń ońtústiginde, kúndiz Soltústik Qazaqstan oblysynyń ońtústik-batysynda jeldiń ekpini 15-20 m/s deıin kúsheıedi.
Túrkistan oblysynyń batysynda, taýly jáne taý bókterindegi aýdandarynda naızaǵaı kútiledi, jeldiń qarqyny - 15-20 m/s.
Túnde Aqtóbe oblysynyń batysynda, ońtústiginde, soltústiginde jaıaý burqasyn, ortalyǵynda, soltústiginde 15-20 m/s jel, túnde oblystyń ońtústiginde kóktaıǵaq bolady.
Batys Qazaqstan oblysynyń soltústik-shyǵysynda tuman túsip, kóktaıǵaq bolady. Jeldiń jyldamdyǵy 15-20 m/s deıin jetedi.
Mańǵystaý oblysynyń batysy men soltústiginde tuman bolady.
Túnde jáne tańerteń Almaty oblysynyń ońtústiginde, ortalyǵynda tuman, kúndiz oblystyń shyǵysynda sekýndyna 15-20 metr jyldamdyqpen jel turady.
Qostanaı oblysynyń ońtústiginde, ońtústik-batysynda jaıaý burqasyn, oblystyń soltústiginde tuman, oblystyń ońtústiginde 15-20 m/s jel soǵady.
Qaraǵandy oblysynyń batysynda, ońtústiginde tuman, kóktaıǵaq, batysynda, ońtústiginde jeldiń qarqyny 15-20 m/s deıin kúsheıedi.
Shyǵys Qazaqstan oblysynyń ońtústik-batysynda, ońtústiginde tuman túsedi, kúndiz oblystyń batysynda, ońtústik-batysynda jeldiń ekpini 15-20 m/s deıin jetedi.
Qyzylorda oblysynyń ortalyǵynda tuman túsedi, túnde jáne tańerteń soltústikte, oblystyń ortalyǵynda jeldiń kúshi 15-20 m/s jetedi.
Jambyl oblysynyń soltústiginde, taýly aýdandarynda tuman túsip, ońtústik-batysta, soltústik-shyǵysta, oblystyń taýly aýdandarynda 15-25 m/s jel soǵady.