Mańǵystaý oblysynyń Jańaózen qalasynda 11 balanyń anasy Jadyra Dosekeevaǵa qatysty sot úkimi shyqty.
Ol "telekomýnıkasıa jelilerin paıdalana otyryp, áleýmettik alaýyzdyqty qozdyrý" baby boıynsha kináli dep tanylyp, úsh jyl shartty jazaǵa kesildi, dep habarlaıdy aqshamnews.kz
Sonymen qatar, sot sheshimi boıynsha oǵan úsh jyl boıy áleýmettik jelilerdi paıdalaný quqyǵynan aıyrý jazasy taǵaıyndaldy.
Jadyra Dosekeeva TikTok áleýmettik jelisinde jarıalaǵan vıdeosy úshin qylmystyq jaýapqa tartyldy. Vıdeoda ol áleýmettik alaýyzdyqty qozdyratyn mazmundy bildirgen degen aıyp taǵyldy. Osyǵan baılanysty, sot tergeýi júrgizilip, Jadyra Dosekeeva "Qazaqstan Respýblıkasynyń Qylmystyq kodeksiniń 174-baby, ıaǵnı áleýmettik alaýyzdyqty qozdyrý" boıynsha kináli dep tanyldy. Sot sheshimi boıynsha Jadyra Dosekeevaǵa úsh jyl boıy áleýmettik jelilerdi paıdalaný quqyǵynan aıyrý jazasy taǵaıyndaldy. Bul onyń ınternet alańdarynda taǵy da qandaı da bir zańsyz áreketter jasamaýy úshin belgilengen shekteýler.
Jadyra Dosekeevaǵa qatysty sheshim qoǵamda ártúrli pikirler týǵyzdy. Bireýler onyń jazasyn tym qatal dep sanasa, basqalar bul sheshimdi qoldap, áleýmettik jelilerde jaýapkershilik bolýy kerek dep esepteıdi. Bul jaǵdaı Qazaqstandaǵy ınternet erkindigi men áleýmettik jelilerdi paıdalaný máselelerine qatysty jańa pikirtalastardy qozǵady.